default_image

10 months ago

September 1, 2023

पारस बागमतीको अध्यक्षमा निर्वाचित

1385 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका सर्वाधिक सफल कप्तान पारस खड्का बागमती प्रादेशिक क्रिकेट संघको अध्यक्षमा निर्वाचित भएका छन् ।

पारसले अर्का अध्यक्षका प्रत्याशि उमेश पियालाई ९ भोटले हराउँदै अध्यक्षमा जितेका हुन् । कुल ३७ मत भएको बागमती प्रदेशको चुनावमा पारसले २३ र उमेश पियाले १४ भोट प्राप्त गरे । पारसको पुरै प्यानल नै बागमतीको अध्यक्षमा विजयी भएको छ ।

उपाध्यक्षमा प्रेम बहादुर क्षेत्री विजयी भएका छन् । उनले रुपक रञ्जितलाई पराजित गरे । प्रेमले २३ र रुपकले १४ भोट प्राप्त गरे । त्यस्तै सचिवमा प्रशन्न शाक्यविजयी भएका छन् । प्रशन्नले २३ र प्रज्वल सापकोटाले १४ मत प्राप्त गरे । कोषाध्यक्षमा सञ्जय बस्नेत विजयी भएका छन् । सन्जयले २३ र विजय बोहोरा १४ भोट प्राप्त गरे ।

सदस्यहरुमा अजय विर पाण्डे(२३), अनिल अधिकारी, (२३), सन्जोग पोखरेल(२३), सुजन महर्जन(२३), नीराराजोपाध्याय(निर्विरोध), धिरज श्रेष्ठ(२३), शेखर श्रेष्ठ (२३), वसन्तराज सत्याल,(२३) र अनुपमान श्रेष्ठ (१६) मतका साथ विजयी भएका छन्।

बागमती प्रदेशका सदस्यता मान्यता प्राप्त जिल्ला काठमाडौं, भक्तपुर, ललितपुर र मकवानपुरले एक साताअघि पारसलाई समर्थन गर्ने बताएका थिए । चितवन र नुवाकोट भने पारसको विपक्षीमा लड्ने जनाएका थिए ।

बागमती प्रदेशमा कुल ३७ मत थियो । हरेक जिल्लाबाट ४ प्रतिनिधिले भोट हालेका थिए । बागमती प्रदेश कार्यसमितिका १३ जनाले भोट हालेका थिए । पारसले प्यानलले यसअघिनै कम्तिमा २३ मत पाउने पक्का थियो ।

योसँगै ४५ जिल्ला र सात प्रदेशको चुनाव सकिएको छ । कोशी प्रादेशिक क्रिकेट संघमा सर्वजित पाण्डे, मधेश प्रादेशि संघको अध्यक्षमा सुनिल कुमार महासेठ, बागमती प्रादेशिक क्रिकेट संघको अध्यक्षमा पारस खड्का, गण्डकी प्रादेशिक क्रिकेट संघमा सञ्जय कान्त सिंग्देल, लुम्बिनी प्रादेशिक संघको अध्यक्षमा सञ्जय गुरुङ, कर्णाली प्रादेशिक संघको अध्यक्षमा पदम खड्का र सुदूरपश्चिम प्रादेशिक क्रिकेट संघको अध्यक्षमा बासुदेव जोशीले जितेका थिए । क्यानको केन्द्रिय चुनावमा कुल ८६ भोट छ । अध्यक्ष जित्नको लागि ४४ भोट आवश्यक पर्दछ ।

पारसले बागमतीको चुनावपछि मात्रै केन्द्रको लड्ने बारे घोषणा गर्ने जनाएका थिए । पारसले केन्द्रको प्रमुख एक पदमा लड्ने सम्भावना छ ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.