एजेन्सी – नेपालले सोमबार एसिया कपमा भारतलाई हराए सुपर फोरमा पुग्ने भएको छ । नेपाल र भारतबीचको खेल सोमबार दिउँसो ३ : १५ मा पालेकेले इन्टरनेशनल क्रिकेट स्टेडियममा हुनेछ । समूह ए को अन्तिम खेलको रुपमा नेपाल र भारतबीच हुनेछ ।

पाकिस्तान २ खेलमा १ मा जित र १ मा अंक बाँड्दै ३ अंकका साथ सुपर फोरमा स्थान बनाएकोछ । आज पाकिस्तान र भारतबीचको खेल वर्षाको रद्द भएकोछ । उक्त खेल रद्द हुँदा भारतलाई अन्तिम खेल जित्नै पर्ने दबाब भएको हो ।

उक्त खेलमा यदि नेपाल विजयी भएमा २ अंक हुन्छ । त्यसैको कारण १ अंक हुने भारतलाई पछि पार्दै सुपर फोरमा स्थान बनाउनेछ । तर यदि उक्त खेल वर्षाको कारण रद्द भएमा वा भारत विजयी हुँदा सुपर फोरमा सहजै स्थान बनाउनेछ । नेपाल सुपर फोरमा पुग्न जित बाहेक अन्य कुनैपनि विकल्प छैन ।

नेपाल पहिलो खेलमा पाकिस्तानसँग २ सय ३८ रनले पराजित भएको थियो । समूह बी मा अफगानिस्तान, बंगलादेश र श्रीलंका छन् । समूह बी को पहिलो खेलमा श्रीलंकाले बंगलादेशलाई हराएको थियो । हरेक समूहका शीर्ष दुई टोली सुपर फोरमा स्थान बनाउनेछन् ।

सुपर फोरमा चार टोलीले एक अर्काबीच खेल्नेछन् । सुपर फोरबाट शीर्ष दुई टोलीले फाइनल खेल्नेछन् । नेपालले पहिलो पटक एसिया कप खेलेको छ । पहिलो पटक भारतसँग खेल्दैछ ।