काठमाडौं (हाम्रो खेलकुद) – नेपालले एसिया कपमा सोमबार भारतसँग खेल्दैछ । खेल नेपाली समय अनुसार दिउँसो ३ : ४५ मा श्रीलंकाको पालेकेले इन्टरनेशल क्रिकेट स्टेडियममा सुरुहुनेछ । तर नेपाल र भारतबीचको खेल वर्षाको कारण बाधक बन्नसक्ने सम्भावना छ ।

शनिबार भारत र पाकिस्तानबीचको खेल वर्षाको कारण रद्द भएको थियो । सोमबार पनि कान्डीमा वर्षाको सम्भावना छ । बिबिसी मौसम पूर्वाअनुसारका अनुसार सोमबार नेपाल र भारतबीचको खेल हुने समयमा कान्डीमा ८० देखी ७० प्रतिशतसम्म वर्षा हुने सम्भावना छ ।

खेलको समय सम्म लगातार ७० प्रतिशत वर्षाको सम्भावना हुँदा खेल बाधक बन्नसक्ने देखिन्छ । वर्षाको कारण खेल हुन नसकेको खण्डमा भारत २ अंकका साथ सुपर फोरमा पुग्नेछ ।

नेपाल पहिलो खेलमा पाकिस्तानसँग २ सय ३८ रनले पराजित भएको थियो । पाकिस्तान २ खेलमा ३ अंकका साथ समूह ए बाट सुपर फोरमा पुगेको छ । यदि नेपालले भारतलाई हराएको खण्डमा भने सुपर फोरमा स्थान बनाउनेछ ।

 समूह बी मा अफगानिस्तान, बंगलादेश र श्रीलंका छन् । हरेक समूहका शीर्ष दुई टोली सुपर फोरमा स्थान बनाउनेछन् । सुपर फोरमा चार टोलीले एक अर्काबीच खेल्नेछन् । सुपर फोरबाट शीर्ष दुई टोलीले फाइनल खेल्नेछन् ।