एजेन्सी – अष्ट्रेलियाले तेस्रो तथा अन्तिम टि२० आई खेलमा दक्षिण अफ्रिकालाई पाँच विकेटले हराउँदै सिरिजमा क्लिनस्विप गरेको छ । अष्ट्रेलियाले तीन टि२० आई खेलको सिरिजमा क्लिनस्विप गरेको हो ।

जितको लागि १ सय ९१ रनको विशाल विजयी लक्ष्य पछ्याएको अष्ट्रेलियाले १७.५ ओभरमा ५ विकेट गुमाउँदै पूरा गर्यो । अष्ट्रेलियाको जितमा ओपनर ट्रविस हेडले ४८ बलमा ८ चौका र ६ छक्कासहित सर्वााधिक ९१ रनको योगदान दिए । मार्कस स्टाइनिस २१ बलमा २ चौका र ३ छक्कासहित ३७ रनमा नट आउट रहे ।

जोश इंग्लिस २२ बलमा १ चौका र ४ छक्कासहित ४२, मिचेल मार्श १५ र म्याथ्यु सर्ट डक आउट भए । दक्षिण अफ्रिकाका ब्यूर्जोन फोटुइन र जेराल्ड कोट्जीले दुई दुई विकेट लिए ।

त्यसअघि टस जितेर पहिला ब्याटिङको निम्तो पाएको दक्षिण अफ्रिकाले निर्धारित २० ओभरमा ८ विकेट गुमाउँदै १ सय ९० रन बनायो । दक्षिण अफ्रिकाका लागि डेब्यू खेल खेलेका डोनोभान फेरेराले २१ बलमा १ चौका र ५ छक्कासहित सर्वाधिक ४८ रनको योगदान दिए ।

कप्तान एडेन माक्ररम २३ बलमा ४ चौका र २ छक्कासहित ४१ रनमा आउट भए । ओपनर रिजा हेन्ड्रिक्स ३० बलमा २ चौका र २ छक्कासहित ४२ रनमा आउट भए ।

अष्ट्रेलियाका शन एबोटले ४ ओभरमा १ मेडनसहित ३१ रन खर्चेर ४ विकेट लिए । मार्कस स्टोइनिसले ४ ओभरमा ३९ रन खर्चेर २ विकेट लिए ।