काठमाडौं (हाम्रो खेलकुद) – अष्ट्रेलियको चर्चित बिग ब्यास लिगमा नेपालका पाँच खेलाडी नै छनोट हुन सकेनन् । आज सम्पन्न बिग ब्यास लिगको ड्राफ्टमा नेपालका कुनैपनि खेलाडीलाई फ्रेन्चाइज लिगले मूल्य लगाउन तयार भएनन् । नेपालबाट स्पिनर सन्दीप लामिछानेसँगै, देव खनाल, विकेटकिपर अर्जुन साउद, ओपनर आसिफ शेख र मध्यक्रमका ब्याटर आरिफ शेख ड्राफ्टमा परेका थिए ।

सन्दीपले गत वर्ष बिग ब्यास लिग होबार्ट हरिकेन्सबाट खेलेका थिए । सन्दीपले भने बिग ब्यास लिग २०१८ मा मेलबर्न स्टार्सबाट खेल्दै सुरुवात गरेका थिए । बिग ब्यास आगमी डिसेम्बर ७ देखी सुरु हुनेछ ।

ड्राफ्टमा मेलबन स्टार्सले इंग्ल्यान्डका ह्यारी ब्रुक, पाकिस्तानका हरिस रौफ र स्पिनर उस्मान मिरलाई किनेको छ । फ्रेन्चाइज टोलीले इंग्ल्यान्डका खेलाडीलाई पहिलो प्राथमिकतामा राखेका छन् । अफगानिस्तान, पाकिस्तान र दक्षिण अफ्रिकाबाट पनि खेलाडी विकेका थिए ।

एडिलेड स्टाइकर्सले अफगानिस्तानका राशिद खान, इंग्ल्यानडका जेमी ओभरटन र एडम होसलाई किनेको छ । होबार्ट हरिकेन्सले क्रिस जोर्डन, साम हैन र कोरी एन्डरसनलाई किनेको छ । मेलबर्न रनेगड्सले क्विन्टन डि कक र मुजिब उर रहमानलाई किनेको थियो ।

सिड्नी थन्डरले एलेक्स हेल्स र जमान खानलाई किनेको छ । सिड्नी सिक्सर्सले टम करन, जेम्स भिन्स र रेहमान अहमदलाई किनेको छ । त्यस्तै ब्रिस्बेन हेटले कोलिन मुनरो, साम बिलिंग्स र पल वेल्टरलाई किन्यो । पर्थ स्कोचर्सले ज्याक क्रली र लौरी इभान्सलाई किन्यो ।