एजेन्सी – युवा ब्याटर फिन एलेन र ग्लेन फिलिप्सको उत्कृष्ट ब्याटिङमा न्युजिल्यान्डले तेस्रो टि२० आई खेलमा घरेलु टोली तथा साविक विश्वकप विजेता इंग्ल्यान्डलाई ७४ रनले पराजित गरेको छ । यो जितसँगै न्युजिल्यान्डले चार खेलको सिरिज बराबरी गर्ने अवसर कायमै राखेको छ । सिरिजमा इंग्ल्यान्ड २-१ ले अघि छ ।

जितको लागि २ सय ३ रनको विशाल विजयी लक्ष्य पछ्याएको इंग्ल्यान्ड १८.३ ओभरमा १ सय २८ रनमा अल आउट भयो । इंग्ल्यान्डका विकेटकिपर तथा कप्तान जस बटलरले २१ बलमा ३ चौका र ३ छक्कासहित सर्वाधिक ४० रनको योगदान दिए । मोईन अली २६, जोनी बेयरस्टो १२, विल ज्याक्स ११, डेविड मलान २, ह्यारी ब्रुक ८ र लियाम लिभिङस्टोन २ रनमा आउट भए ।

न्युजिल्यान्डका कायल जेमिसनले ४ ओभरमा २३ रन खर्चेर ३ विकेट लिए । स्पिनर ईश सोधीले ४ ओभरमा ३३ रन खर्चेर ३ विकेट लिए । कप्तान टिम साउथीले ३.३ ओभरमा ३० रन खर्चेर २ विकेट लिए । म्याट हेनरी र मिचेल सान्टनारले एक एक विकेट लिए ।

त्यसअघि बर्मिङ्घमा टस जितेर पहिला ब्याटिङ रोजेको न्युजिल्यान्डले निर्धारित २० ओभरमा ५ विकेट गुमाउँदै २ सय २ रन बनायो ।

न्युजिल्यान्डका ओपनर फिन एलेनले ५३ बलमा ४ चौका र ६ छक्कासहित सर्वाधिक ८३ रनको इनिङ खेले ।
ग्लेन फिलिप्सले ३४ बलमा ५ चौका र ५ छक्कासहित ६९ रनको योगदान दिए ।

अन्य ब्याटरले भने राम्रो प्रदर्शन गर्न सकेनन् । इंग्ल्यान्डका गस एट्किन्सनले ४ ओभरमा ३१ रन खर्चेर २ विकेट लिए । ल्यूक वुड र लिभिङस्टोनले एक एक विकेट लिए ।

पहिलो र दोस्रो खेलमा इंग्ल्यान्ड ७ विकेट र ९५ रनले विजयी भएको थियो । तेस्रो खेल मंगलबार हुनेछ ।