default_image

11 months ago

September 3, 2023

मिराज र शान्टोको शतकमा बंगलादेश सुपर फोरमा

6849 views

0 Bookmark

एजेन्सी – ओपनर मेहेदी हसन मिराज र मध्यक्रमका ब्याटर नाज्मुल हसन शान्टोेको शतकमा बंगलादेशले एसिया कपमा अफगानिस्तानलाई ८९ रनको फराकिलो अन्तरले पराजित गर्दै सुपर फोरमा स्थान बनाएको छ । समूह बी बाट बंगलादेश नेटरनरेटको कारण शीर्ष दुईमा रहँदै सुपर फोर खेल्ने पक्का भएको छ ।

जितको लागि ३ सय ३५ रनको विशाल विजयी लक्ष्य पछ्याएको अफगानिस्तान ४४.३ ओभरमा २ सय ४५ रनमा अल आउट भयो । अफगानिस्तानका युवा ओपनर इब्राहिम जद्रानले ७४ बलमा १० चौका र १ छक्कासहित सर्वाधिक ७५ रनको योगदान दिए ।

कप्तान हश्मातुल्लाह शाहिदीले ६० बलमा ६ चौकासहित ५१, रहमात शाह ३३, रहमानउल्लाह गुरबाज १, नाजिबुल्लाह जद्रान १७, मोहम्मद नाबी ३, गुलबदीन नाइब १५ रनमा आउट भए ।

बंगलादेशका तस्किन अहमदले ८.३ ओभरमा ४४ रन खर्चेर ४ विकेट लिए । शोरिफुल इस्लामले ९ ओभरमा ३६ रन खर्चेर ३ विकेट लिए ।

त्यसअघि लाहोरमा टस जितेर पहिला ब्याटिङ रोजेको बंगलादेशले निर्धारित ५० ओभरमा ५ विकेट गुमाउँदै ३ सय ३४ रन बनाएको थियो ।

मेहेदी हसन मिराजले १ सय १९ बलमा ७ चौका र ३ छक्कासहित १ सय १२ रनको शतकीय इनिङ खेले । उनको यो ओडिआई करिअरको दोस्रो शतक र उत्कृष्ट प्रदर्शन हो । शान्टो १ सय ५ बलमा ९ चौका र २ छक्कासहित १ सय ४ रनमा आउट भए । तेस्रो विकेटका लागि शान्टो र मिराजले १ सय ९० बलमा १ सय ९४ रनको सानदार शतकीय साझेदारी गरेका थिए ।


ओपनर मोहम्मद नइम २८, मुश्फिकुर रहि २५, कप्तान सकिब अल हसन ३२ र शमिम हसैनले ११ रन बनाए । अफगानिस्तानका मुजिब उर रहमान र गुलबदीन नाइबले एक एक विकेट लिए ।

समूह बी मा बंगलादेश २ खेलमा १ मा जित र १ मा हारसहित २ अंकका साथ दोस्रो स्थानमा रहँदै सुपर फोरमा स्थान पक्का गराएको छ । बंगलादेशको नेटरनरेट प्लस०.३७३ छ । अफगानिस्तानको नेटरनरेट माइनस १.७८० छ । श्रीलंका १ खेलमा २ अंकका साथ शीर्षस्थानमा छ । श्रीलंकाको नेटरनरेट प्लस ०.९५१ छ ।

मंगलबार श्रीलंका र अफगानिस्तानबीच लाहोरमा खेल हुनेछ । यदि अफगानिस्तानले विशाल अन्तरको जित हात पारे सुपर फोरमा स्थान बनाउनेछ । सामान्य जितले भने अफगानिस्तान सुपर फोरमा पुग्न सक्दैन ।

अफगानिस्तान सुपर फोरमा पुग्न कम्तिमा आफ्नो माइनस नेटरनरेट हट्ने हुनुपर्छ । अफगानिस्तानको माइनस नेटरनरेट मिलाउन फराकिलो जित हात पार्दा श्रीलंकाको घटेर माइनसमा आउनेछ । श्रीलंका र अफगानिस्तान मध्य एकमात्रै टोली अव सुपर फोरमा पुग्नसक्छन् । त्यसैले बंगलादेशले सुपर फोरमा स्थान बनाएको हो ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.