default_image

9 months ago

September 5, 2023

भारतविरुद्ध यस्तो रह्यो नेपाली बलरको बलिङ स्पीड

18758 views

0 Bookmark

काठमाडौं (हाम्रो खेलकुद) – नेपाल सोमबार राती एसिया कपमा भारतसँग १० विकेटले पराजित हुँदै समूह चरणबाटै बाहिरिन पुग्यो। जितको लागि १ सय ४५ रनको विजयी लक्ष्य पछ्याएको भारतले २०.१ ओभरमा कुनै विकेट नगुमाई पूरा गर्यो ।

भारतको जितमा रोहित शर्मा ५९ बलमा ६ चौका र ५ छक्कासहित ७४ तथा शुभमन गिल ६२ बलमा ८ चौका र १ छक्कासहित ६७ रनमा अविजित रहेका थिए ।

नेपालले दिएको २ सय ३१ रनको विजयी लक्ष्य पछ्याएको भारतले २.१ ओभरमा १७ रन बनाउँदा वर्षाको कारण खेल रोकिएको थियो । दुई घण्टा भन्दा बढी समय खेल हुन नसकेपछि २३ ओभरमा भारतले १ सय ४५ रनको विजयी लक्ष्य पाएको थियो ।

त्यसअघि श्रीलंकाको पालेकेले इन्टरनेशल क्रिकेट स्टेडियममा टस हारेर पहिला ब्याटिङको निम्तो पाएको नेपाल ४८.२ ओभरमा २ सय ३० रनमा अल आउट भएको थियो ।

भारतविरुद्ध २ सय ३० रन बनाउनु नेपालको लागि कुनै सामान्य कुरा थिएन । आफैंमा ठूलो उपलब्धी थियो । नेपालका ओपनर आसिफ शेखले ५८, कुशल भुर्तेलले ३८ र सोमपाल कामीले ४८ रन बनाएका थिए ।

भारतविरुद्ध नेपाली बलरले विकेट लिन नसकेपनि स्तर अनुसार राम्रो बलिङ गरेका थिए । पाकिस्तानसँगको खेलमा भन्दा सोमपाल कामीले भारतविरुद्ध आफ्नो बलिङको स्पीड बढाएका थिए ।

उनी आधिकारीक मापन भएको खेल अनुसार आफ्नो करिअरको उत्कृष्ट स्पीड नजिक पुगेको थिए । सोमपालले दोस्रो ओभरको पहिलो बल प्रतिघण्टा १ सय ४० किलोमिटरको स्पीडमा बलिङ गरेका थिए ।

भारतीय युवा ब्याटर शुभमन गिलले उक्त बलमा चौका प्रहार गरेका थिए । सोमपाल नै एसिया कपमा नेपालबाट सर्वाधिक बढी गतीमा बलिङ गर्ने बलर बने । उनले पाकिस्तानविरुद्ध उच्च प्रतिघण्टा १ सय ३५ किलोमिटरको गतीमा बलिङ गरेका थिए । उनीपछि दुबै खेलमा करण केसीले प्रतिघण्टा १ सय ३४ किलोमिटरको गतीमा बलिङ गरे ।

नेपालसहित एसोसिएट टोलीले खेल्ने खेलमा स्पीड नाप्ने प्रविधि निकै कम प्रयोग गरिन्छ । आर्थिक निकै रुपमा महँगो हुँदा एसोसिएट टोलीले उक्त प्रविधि प्रयोग गर्न सकेका छैनन् । आधिकारीक मापन भएको गतीमा सोमपालले नेपालबाट सबैभन्दा बढी प्रतिघण्टा १ सय ४१ किलोमिटरको गतिमा बलर हुन् । सोमपालले २०१४ को टि२० विश्वकपमा अफगानिस्तानविरुद्ध उक्त स्पीडमा बलिङ गरेका थिए ।

नेपालका करण केसीले ब्यक्तिगत उच्च गतीमा पहिलो ओभरको चौथो बलमा रोहित शर्मालाई प्रतिघण्टा १ सय ३४ किलोमिटर गतीमा बलिङ गरेका थिए । करणले तेस्रो र चौथो बलमा रोहित शर्मालाई एलबीडब्लू आउट गराएका थिए । तेस्रो बलमा नेपालले रिभ्यु लिएपनि सफल हुन सकेन । पाकिस्तानविरुद्ध पनि करणले सोही स्पीडमा गरेका थिए ।

बायाँ हाते स्पिनर कुशल मल्लले ब्यक्तिगत उच्च गतीमा प्रतिघण्टा ९३ किलोमिटरमा गरेका थिए । अफस्पिनर दीपेन्द्रसिंह ऐरीले १० औं ओभरको चौथो बलमा रोहित शर्मालाई प्रतिघण्टा १ सय १० किलोमिटरको गतीमा बलिङ गरेका थिए । दीपेन्द्रले पाकिस्तानविरुद्ध पनि सोही स्पीडमा बल फ्याँलेका थिए । सन्दीप लामिछानेको गती ९५ र ललितनारायण राजवंशीको ९१ रह्यो ।

May 24, 2024

बंगलादेशविरुद्ध अमेरिकाको लगातार दोस्रो जित

ह्युस्टन (हाम्रो खेलकुद) – बंगलादेशलाई लगातार दोस्रो खेलमा स्तब्ध पार्दै अमेरिकाले ३ खेलको टि ट्वान्टी शृंखला एक खेल अगावै जितेको छ । प्रेरी भ्यू क्रिकेट कम्प्लेक्समा बिहीबार भएको दोस्रो खेलमा अमेरिकाले बंगलादेशमाथि ६ रनको जित दर्ता गर्दै शृंखला कब्जा गरेको हो । अमेरिकाले दिएको १ सय ४५ रनको लक्ष्य पछ्याएको बंगलादेश ३ बल बाँकी छँदै […]

May 23, 2024

महिला क्रिकेटको प्रारम्भिक टोलीमा २८ खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि प्रारम्भिक टोली घोषणा गरेको छ । क्यानले इन्दु वर्माको कप्तानीमा २८ जनालाई समेट्दै बुधबार नेपाली टोली घोषणा गरेको हो । ललितपुर मेयर्स कप खेलेका कोशी प्रदेशका बलर एलिसा खडिया, बागमती प्रदेशकी हेलिसा गुरुङ, सुदूरपश्चिमकी सावित्री धामी, एपीएफकी राजमती ऐरी पहिलो पटक राष्ट्रिय […]

May 23, 2024

सन्दीपलाई अमेरिकाको भिसा दिलाउन पहल सुरु

काठमाडौं (हाम्रो खेलकुद)- क्रिकेटर सन्दीप लामिछानेलाई‌ टि ट्वान्टी विश्वकपको लागि अमेरिकाको भिसा दिलाउन कुटनीतिक पहल हुने भएको छ।युवा तथा खेलकुद मन्त्रालयले परराष्ट्र मन्त्रालयमार्फत प्रक्रिया अघि बढाउने भएको हो । सन्दीपलाई बुधबार अन्तर्वार्तामा बोलाएर अमेरिकी दूतावासले भिसा अस्वीकार गरेको थियो । भिसा नदिइनुको स्पष्ट कारण खुलाइएको छैन । सन्दीपले सामाजिक सन्जालमा स्ट्याटस लेखेर आफूलाई भिसा दिन […]

Success

Thank you for your time.