काठमाडौं (हाम्रो खेलकुद) – नेपाली क्रिकेट टोलीले एसिया कपमा भारतसँगको हारपछि भारतीय खेलाडी र प्रशिक्षकलाई भेटेका थिए । भारतकै ड्रेसिङ रुममा पुगेर नेपाली खेलाडीहरुले कुराकानी गरेको थिए ।

नेपालले पावर प्ले अर्थात १० ओभरमा ६५ रन बनाउँदै उत्कृष्ट सुरुवात गरेको थियो । तर रविन्द्र जडेजाले कुशल मल्ल, रोहित पौडेल र भीम सार्कीलाई आउट गर्दै भारतलाई खेलमा फर्काएका थिए ।

‘एउटा टिमलाई १० विकेटको जित ठुला खेलअघि आत्माविश्वास आउछ । टिमको लागि यो एउटा राम्रो जित हो । तीन विकेट जुन लिएको थिए त्यो राम्रो थियो । बलहरु टर्न भइराखेको थिएन । नेपालसँग पहिलो पटक खेलेका थियौं । उनका ब्याटर कहाँ सर्ट मार्छन् । शक्ति के हो हामीलाई थाहा थिएन । पहिलो १० ओभरमा नेपालले धेरै राम्रो सुरुवात गरेको थियो । पहिलो पटक खेल्दा उनको सर्टहरु थाहा भएन’, जडेजाले नेपाल बारे भने ।

‘पहिलो १० ओभरमा उनको राम्रो सुरुवात मिल्यो । तर जव म र कुलदीप आयौं । थोरै हामीले खेल कन्ट्रोल (नियन्त्रण) मा गयौं । स्पिनरको मध्यक्रममा रन मार्न सजिलो हुँदैन । तीव्र गतिको बलरमा जस्तो स्पिनरको बल ब्याटमा आएको थिएन । मैले स्टम्प लाइनमा बल गर्ने देखि राखेको थिए । त्यहाँ विकेट मिल्ने मौका रहन्छ’, उनले भने ।

नेपाली खेलाडी भारतको ड्रेसिङ रुममा गएर खेलाडीहरुसँग भेटेका थिए । भारतीय खेलाडी र प्रशिक्षकबाट नेपाली खेलाडी भेट्ने, टिप्स लिने, तस्विर खिच्ने र अटोग्राफ लिन काम गरेका थिए । नेपाली खेलाडीहरुले जडेजालाई आफ्नो खेल तालिकाबारे सोधेका थिए ।

‘उनीहरुले ठूला खेलअघि तपाईंको खेल तालिका कस्तो हुन्छ भनेर सोधेका थिए । मैले त्यहिँ आफ्नो सामान्य तालिका राखेको बताए । आफ्नो भिडियो देख्छु । अनावश्यक रुपमा आफूलाई दबाब राख्नु हुँदैन । मैले आफ्नो जुन तालिका छ त्यसैलाई ध्यानदिनपर्छ भने’, उनले भने ।