एजेन्सी – मलेसियामा जारी आइसिसी महिला टि२० विश्वकप एसिया क्षेत्र छनोटमा समूह विजेता बन्न निर्णायक मानिएको नेपाल र युएईबीचको खेल वर्षाको कारण प्रभावित बनेको छ । खेल नेपाली समय अनुसार बिहान ७:१५ मा सुरु हुनुपर्ने हो । तर वर्षाको कारण खेलको टस समेत हुन सकेको छैन ।

यो खेल नेपालको लागि निकै महत्वपूर्ण छ । समूह ए को उपविजेताले समूह बी को विजेतासँग सेमिफाइनल खेल्नेछ । यदि नेपाल यस खेलमा हारेको खण्डमा समूह उपविजेता बन्नेछ । उपविजेता बन्दा नेपाला सेमिफाइनलमा थाईल्यान्डसँग खेल्नुपर्ने सम्भावना बढी हुन्छ । नेपाल सकरभर सेमिफाइनल थाईल्यान्ड नभएर हङकङसँग खेल्न चाहन्छ । समूह बी मा पनि विजेता बन्न हङकङ र थाईल्यान्डबीच आज निर्णायक खेल हुनेछ ।

वर्षाको कारण रद्द हुँदा पनि नेपाल समूह ए को उपविजेता बन्नेछ । समूह ए मा युएई ४ खेलमा ८ अंक र नेटरनरेट ३.३३९ का साथ शीर्ष स्थानमा छ । नेपाल समान खेल र नतिजाका साथ ८ अंक भएपनि नेटरनरेट २.१८४ हुँदा दोस्रो स्थानमा छ । त्यसैले समूह विजेता बन्न नेपाल विजयी हुनुपर्ने हुन्छ । उता समूह बी मा हङकङ ३ खेलमा ६ अंकका साथ शीर्ष स्थानमा छ । थाईल्याान्ड ३ खेलमा ५ अंकका साथ दोस्रो स्थानमा छ ।