default_image

10 months ago

September 7, 2023

सम्झौता भएको १५ वर्षसम्म पनि भद्रपुर क्रिकेट मैदानको काम शून्य

356 views

0 Bookmark

हिमाल खरेल, बिर्तामोड

नेपाली क्रिकेट टोलीले एसिया कपमा विश्व वरियताको नम्बर वान टोली पाकिस्तान र तेस्रो स्थानमा रहेको भारतसँग पहिलो पटक खेल्यो । नेपाल प्रतिस्पर्धात्मक प्रदर्शनका साथ सम्मानजनक हारका साथ बाहिरिएपछि विश्वभरबाट वाहीवाही पायो ।

पाकिस्तानसँग २ सय ३८ रन र भारतसँग १० विकेटको हारले नेपाल सुपर फोरमा पुग्न सकेन । यो नेपालको अपेक्षा अनुसारको नतिजा पनि थियो । भारतसँग नेपालले अपेक्षा गरेको भन्दा धेरै राम्रो क्रिकेट खेल्यो । पाकिस्तानविरुद्ध वर्तमान विश्व क्रिकेटका एक उत्कृष्ट ब्याटर बाबर आजम र मोहम्मद रिजवान जस्ता ब्याटरविरुद्ध बलिङमा राम्रो प्रभाव छाड्यो ।

भारत र पाकिस्तानसँगको खेलपछि विश्व क्रिकेटमा पुन नेपाली क्रिकेटको चर्चा चुलिएकोछ । क्रिकेट मैदानको अभाव र देशको राम्रो लगानीबिना नै नेपाली खेलाडीले आफ्नो क्षमता प्रस्तुत गरेर एकपटक फेरि अब्बल पुष्टि गरेका छन् । तर, राज्य भने क्रिकेटमा लगानी गर्नेतर्फ एकदमै सुस्त देखिन्छ ।

क्रिकेट विकासमा मैदान निर्माण अनिवार्य छ । सफलतामा वाहवाही गर्ने नेपाल सरकार साँच्चै क्रिकेट विकास गर्नपछि छ । नेपालमा मैदान निर्माणको लागि सरकारले घोषणा गरेपनि दशक भन्दा बढी समयसम्म काम हुन नसकेका थुप्रै उदाहरण छन् । एउटा गतिलो उदाहरण झापाको भद्रपुरस्थित मेची बहुमुखी क्याम्पसमा रहेको क्रिकेट मैदान पनि हो ।

झापाको भद्रपुरस्थित मेची बहुमुखी क्याम्पसमा रहेको क्रिकेट मैदानको अवस्थाबारे न नेपाल क्रिकेट संघले ध्यान दिएको छ न सरकारलाई चासो छ । क्याम्पसको जग्गामा क्रिकेट मैदान निर्माण तथा सञ्चालन गर्ने सहमति भएको १५ वर्ष बितिसकेको छ । तर, काम भने शून्य ।

नेपाल क्रिकेट संघ र मेची बहुमुखी क्याम्पसबीच मेची क्याम्पस क्रिकेट मैदान सञ्चालनका लागि दुई पक्षीय सम्झौता भएको थियो । २०६५ जेठ २१ गते भएको सो सम्झौतामा संघको तर्फबाट सदस्य छत्रप्रसाद अधिकारी र क्याम्पसको तर्फबाट तत्कालीन क्याम्पस प्रमुख टिका प्याकुरेलले हस्ताक्षर गरेका छन् ।

२०९० जेठ २० गतेसम्मका लागि क्याम्पसले संघलाई वार्षिक २५ हजार रुपैयाँ भाडा तिर्नेगरी क्याम्पस परिसरभित्र रहेको पुस्तकालयको उत्तरपूर्वको जग्गा उपलब्ध गराउने सम्झौता भएको थियो । सो ठाउँमा १५ वर्षको बीचमा मैदान सम्याउने कामबाहेक केही पनि हुन सकेको छैन । संघमा भएको राजनीतिकरण तथा आपसी खिचातानीको शिकार भद्रपुरको क्रिकेट मैदान पनि भएको हो ।

यअघि २०७८ माघमा संघका तत्कालीन १ नम्बर प्रदेश सचिव मनोज कटवालको नेतृत्वमा मैदानको अवस्था र सम्भाव्यत अध्ययनका लागि स्थलगत भ्रमण गरेका थिए । भद्रपुर क्रिकेट मैदान बनेको खण्डमा बंगलादेश, भारत, नेपाल, भुटान सम्मिलित अन्तर्राष्ट्रिय क्रिकेट शृंखलाहरु खेलाउन उपयुक्त हुने कटवाल बताउँछन् ।

उक्त मैदानमा २०६७ फागुनमा विनेश बर्मा स्मृति राष्ट्रिय क्रिकेट प्रतियोगिता सञ्चालन भएको थियो । प्रतियोगिता नेपाल सशस्त्र प्रहरी बलले जितेको थियो ।

मैदानमा नेपालका अधिकांश राष्ट्रिय खेलाडीहरुका साथै पूर्वकप्तान पारस खड्का, पूर्वकप्तान ज्ञानेन्द्र मल्ल, पूर्वकप्तान विनोद दास, शरद भेषावकरलगायत खेलाडीले सहभागिता जनाएका थिए ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.