default_image

9 months ago

September 7, 2023

थाईल्यान्डलाई हराउँदै इतिहास रच्ने सोचमा नेपाल

5117 views

0 Bookmark

काठमाडौं (हाम्रो खेलकुद) – नेपालले आइसिसी महिला टि२० विश्वकप एसिया क्षेत्र छनोटको दोस्रो सेमिफाइनल खेलमा शुक्रबार थाईल्यान्डसँग खेल्दैछ । खेल नेपाली समय अनुसार बिहान ७ : १५ मा सुरु हुनेछ । नेपाल थाईल्यान्डलाई हराउँदै पहिलो पटक ग्लोबल टि२० छनोटमा पुग्न चाहन्छ ।

सन् २०१३ देखी देखी सुरु भएको ग्लोबल छनोटमा नेपालले हालसम्म स्थान बनाउन सकेको छैन । नेपालको विश्वकप यात्रा एसिया छनोटमानै सिमित हुँदै आएकोछ । एसिया क्षेत्र छनोटबाट थाईल्यान्ड र यूएईले ग्लोबल छनोट खेल्दै आएका छन् । नेपाल यस पटक भने थाईल्यान्डलाई हराउँदै इतिहास रच्न चाहन्छ ।

तर २०२० मा विश्वकप खेलेको र पछिल्लो समय सानदार प्रदर्शन गर्दै आएको थाईल्यान्डलाई हराउन सहज भने हुनेछैन । नेपालले आफ्नो उत्कृष्ट क्रिकेट खेल्नुपर्ने हुन्छ । नेपालले थाईल्यान्डसँग २०१९ पछि पहिलो पटक खेल्दैछ । २०१९ मा महिला टि२० आई दुबै खेलमा नेपाल पराजित भएको थियो ।

नेपालकी कप्तान रुविना क्षेत्री बेलबासे, सीताराना मगर र इन्दु बर्मा प्रमुख खेलाडी हुन् । यी तीन खेलाडीको उत्कृष्ट प्रदर्शन बिना थाईल्यान्डलाई हराउन मुश्किल पर्ने देखिन्छ । तीव्र गतिकी बलर अश्मिना कर्माचार्य र कविता कुँवरको जोडीबाट नेपाल सानदार प्रदर्शन चाहन्छ । थाईल्यान्डलाई नेपालले जतिसक्यो कम योगफलमा रोक्नु पर्ने हुन्छ ।

हरेक खेलाडीले आफ्नो शतप्रतिशत योगदान दिनुपर्ने हुन्छ । नेपालले आफ्नो भद्रगोल ब्याटिङक्रम भने मिलाउनु पर्ने हुन्छ । कमजोर बललाई बाउन्ड्रीमा परिणत गर्न सक्नुपर्छ ।

नेपालले कम्तिमा पावर प्लेमा आक्रामक सुरुवात दिलाउन आवश्यक देखिन्छ । सीतालाई ओपनरमा काजोल र कविता कुँवर मध्य एकले साथ दिनेछन् । तेस्रो नम्बरमा इन्दु बर्मा हुनेछिन् । इन्दु भने राम्रो लयमा छिन् । उनले लगातार उत्कृष्ट प्रदर्शन गर्दै आएकी छिन् ।

चौथो नम्बरमा सम्झना खड्का र पाँचौं नम्बरमा रुविना क्षेत्रीको सम्भावना रहन्छ । त्यसपछि कविता जोशी, अप्सरी बेगम र पुजा महतो हुनेछन् । थाईल्यान्डकी शीर्षक्रमकी ब्याटर नट्थाकन चान्थम प्रमुख ब्याटर हुन् ।

चान्थमको विकेट नेपालको लागि निकै महत्वपूर्ण हुनेछ । उनलाई चाँडै आउट गर्न सके नेपाल खेलमा हाबी हुनसक्छ । अन्यथा नेपालको ग्लोबल छनोट सपना कठिन बन्नसक्छ ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.