default_image

10 months ago

September 10, 2023

दक्षिण अफ्रिकामाथि अष्ट्रेलियाको फराकिलो जित

1163 views

0 Bookmark

एजेन्सी – ओपनर डेविड वार्नर र मार्नस लाबुसेनको शतकको सहयोगमा अष्ट्रेलियाले दोस्रो ओडिआई खेलमा घरेलु टोली दक्षिण अफ्रिकामाथि १ सय २६ रनको फराकिलो जित हात पारेको छ ।

योसँगै पाँच ओडिआई खेलको सिरिजमा अष्ट्रेलियाले २–० को अग्रता लिएको छ । जितको लागि ३ सय ९३ रनको विशाल विजयी लक्ष्य पछ्याएको दक्षिण अफ्रिका ४१.५ ओभरमा २ सय ६९ रनमा अल आउट भयो ।

दक्षिण अफ्रिकाका हेनरिक क्लासेनले ३६ बलमा ३ चौका र ३ छक्कासहित ४९ रन बनाए । डेविड वार्नर ५२ बलमा ६ चौकासहित ४९, टेम्बा बभुमा ४६, रास्सी भान डर डुसेन १७ र मार्को यानसन २३ रनमा आउट भए ।

ओपनर क्विन्टन डि कक ३० बलमा ६ चौका र २ छक्कासहित ४५ रनको योगदान दिए । अष्ट्रेलियाका स्पिनर एडम जाम्पाले ९ ओभरमा १ मेडनसहित ४८ रन खर्चेर सर्वाधिक ४ विकेट लिए । नाथन एलिस, आरोन हाड्ली र शन एबोटले समान दुई विकेट लिए ।

त्यसअघि टस हारेर पहिला ब्याटिङको निम्तो पाएकोे अष्ट्रेलियाले निर्धारित ५० ओभरमा ८ विकेट गुमाउँदै ३ सय ९२ रन बनाएको थियो । मध्यक्रमका ब्याटर मार्नस लाबुसेनलले ९९ बलमा १९ चौका र १ छक्कासहित १ सय २४ रनको सानदार शतकीय इनिङ खेल्दै प्लेयर अफ द म्याच चुनिए ।

उनको यो ओडिआई करिअरको उत्कृष्ट प्रदर्शन र दोस्रो शतक हो । उनी स्पिनर तबरेज शाम्सीको बलमा मिडविकेटमा एडेन माक्ररमबाट क्याच आउट भएका थिए ।

अष्ट्रेलियालाई ओपनर डेविड वार्नर र ट्रविस हेडले ११.५ ओभरमा १ सय ९ रनको विष्फोटक सुरुवात दिलाएका थिए । वार्नर ९३ बलमा १२ चौका र ३ छक्कासहित १ सय ६ रनमा आउट भए ।

हेडले ३६ बलमा ९ चौका र ३ छक्कासहित ६४ रनको आक्रामक इनिङ खेलाएका थिए । तेस्रो विकेटका लागि वार्नर र लाबुसेनले १ सय २४ बलमा १ सय ५१ रनको सानदार शतकीय साझेदारी गरेका थिए ।

विकेटकिपर जोश इंग्लिसले ३७ बलमा ७ चौका र १ छक्कासहित ५० रन बनाउँदै आउट भएका थिए । कप्तान मिचेल मार्श डक, डेब्यू खेल खेलेका टिम डेविड १, विकेटकिपर एलेक्स केरी ६ र आरोन हाड्ली ३ रनमा आउट भए । नाथन एलिस १४ रनमा नटआउट रहे ।

दक्षिण अफ्रिकाका स्पिनर तबरेज शाम्सीले १० ओभरमा ६१ रन खर्चेर ४ विकेट लिए । कागिसो रबाडाले ९ ओभरमा ७९ रन खर्चेर २ विकेट लिए । मार्को यानसन र एन्डिले फहलुकवयोले समान एक विकेट रह्यो । तेस्रो खेल मंगलबार हुनेछ ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.