काठमाडौं (हाम्रो खेलकुद) – मधेश प्रदेशले आगमी असोज ५ र ६ गते काठमाडौंमा हुने नेपाल क्रिकेट संघ(क्यान)को चुनावमा पठाउने चार प्रतिनिधिको टुङ्गो लगाएको छ । सोमबार बसेको मदेश प्रादेशिक संघले केन्द्रको चुनावको लागि अक्ष्यक्ष सुनिल महासेठ, उपाध्यक्ष पवन कुमार गुप्ता, सचिव आयुश श्रेष्ठ र कोषाध्यक्ष सुवास जयसवाललाई चयन गरेको हो ।

उक्त चार जनाले क्यानको चुनावमा प्रदेशको तर्फबाट मतदान गर्नेछन् । मधेश प्रदेशमा क्यानको मान्यता प्राप्त जिल्ला ८ जिल्ला( सप्तरी, सिराहा, धनुषा, महोत्तरी, सर्लाही, रौतहट, पर्सा र बारा) बाट एक एक प्रतिनिधि आउनेछन् । हरेक जिल्लाका एक एक प्रतिनिधिले मतदान गर्न पाउनेछन् ।

बागमती प्रदेशले अध्यक्ष पारस खड्कासहित ललिपुरका शेखर श्रेष्ठ र मकवानपुरका प्रेमबहादुर क्षेत्रीलाई प्रादेशिक प्रतिनिधि चयन गरेको थियो । क्यान निर्वाचनमा कुल ८८ मत रहेकोमा २ कार्यसमिति पद रिक्त हुँदा ८६ मत हुनेछ ।

प्रदेशको हकमा हरेक २ जिल्ला बराबर १ मत प्राप्त गर्नेछन् । हरेक जिल्लाका एक प्रतिनिधिले भोट हाल्न पाउनेछन् । त्यस्तै प्रशिक्षक संघ र अम्पायर तथा स्कोरर संघले भने १-१ मत हाल्नेछन् ।

क्यान अध्यक्ष जित्न ४४ मत लिनुपर्ने हुन्छ । चतुरबहादुर चन्द नै पुन अध्यक्षमा निर्वाचित हुने उच्च सम्भावना छ ।