एजेन्सी – उपाधिको प्रमुख दाबेदार भारतले एसिया कपको सुपर फोर खेलमा श्रीलंकाविरुद्ध टस जितेर पहिला ब्याटिङ गर्ने निर्णय लिएको छ । श्रीलंकाको कोलोम्बोमा भारतका कप्तान रोहित शर्माले टस जितेर पहिला ब्याटिङ गर्ने निर्णय लिएका हुन् ।

भारतले टोलीमा एक परिवर्तन गरेको छ । स्पिन आक्रामण मजबुत बनाउन शार्दुल ठाकुरको स्थानमा अक्षर पटेलले मौका दिएको छ । श्रीलंकाले भने टोलीमा कुनै परिवर्तन गरेको छैन । सुपर फोरमा दुबै टोली लगातार दोस्रो जित निकाल्न चाहन्छ ।

भारत यस खेलमा विजयी भएमा एक खेल अगावै ४ अंकका साथ फाइनलमा पुग्नेछ । भारतले सुपर फोरमा पाकिस्तानलाई २ सय २८ रनले हराएको थियो ।

श्रीलंका पनि भारतलाई हराउँदै सुपर फोरमा लगातार दोस्रो जित हात पार्न चाहन्छ । सुपर ओभरमा बंगलादेशलाई श्रीलंकाले २१ रनले हराएको थियो ।

भारत विजयी हुँदा ४ अंक फाइनलमा पुग्न पर्याप्त हुनेछ । त्यसपछि श्रीलंका र पाकिस्तान मध्य एक टोली मात्रै ४ अंकमा पुग्न सक्नेछन् । भारत विजयी हुँदा बिहीबार श्रीलंका र पाकिस्तानबीचको खेल फाइनलमा पुग्न निर्णायक बन्नेछ ।

पाकिस्तानलाई हराउन भारतका विराट कोहलीले १ सय २२, लोकेश राहुलले १ सय ११, रोहित शर्मा ५६ र शुभमन गिल ५८ रन बनाएका थिए । भारतको मनोबल पनि उच्च छ ।