default_image

8 months ago

September 13, 2023

फाइनलमा पुग्न निर्णायक खेलमा पाकिस्तानको टोलीमा पाँच परिवर्तन

15393 views

0 Bookmark

एजेन्सी – पाकिस्तानले एसिया कपको सुपर फोर खेलमा फाइनलमा पुग्न निर्णायक मानिएको श्रीलंकाविरुद्ध प्लेइङ ११ मा पाँच परिवर्तन गरेको छ । बिहीबार कोलोम्बोमा हुने खेलको लागि पाकिस्तानले आफ्नो प्लेइङ ११ घोषणा गरेको छ ।

पाकिस्तानले भारतसँग २ सय २८ रनले पराजित भएपछि ओपनर फखार जमान, हरिस रौफ, नसिम शाह, फहिम अशरर्फ र अघा सलमानलाई बेन्चमा राखेको छ । युवा ब्याटर मोहम्मद हरिस, मध्यक्रमका ब्याटर साउद सकिल, स्पिन अलराउन्डर मोहम्मद नवाज, तीव्र गतिका बलर मोहम्मद वासिम जुनियर र जमान खानलाई श्रीलंकाविरुद्ध प्लेइङ ११ मा मौका दिएको छ । जमान खानको डेब्यू हुनेछ ।

श्रीलंका र पाकिस्तानबीचको विजेता टोली फाइनलमा पुग्नेछ । तर पाकिस्तानका दुई प्रमुख बलिङ हतियार रौफ र नसिम शाह नहुने भएका छन् । यी दुबै बलर भारतविरुद्धको खेलमा घाइते भएका थिए । नसिमले पुरै प्रतियोगिता गुमाउने भएका छन् ।

नसिम बाहिरिएपछि पाकिस्तानले युवा तीव्र गतिका बलर जमान खानलाई डेब्यू दिने भएको छ । ६ टि२० आई खेल खेलि सकेका २२ वर्षीय जमान खान योर्कर र गतिका लागि चिनिन्छन् ।

मध्यक्रम ब्याटिङ मजबुत बनाउन सलमान अघालाई बाहिर राख्दै साउद सकिललाई मौका दिएको छ । साउद सकिलले मात्रै ७ टेस्ट खेलमा एक दोहोरोशतकसहित, २ शतक र ६ अर्धशतकसहित ८ सय ७५ रन बनाएका छन् । गत जुलाईमा श्रीलंकाविरुद्ध २ सय ८ रनको सानदार दोहोरो शतकीय इनिङ खेल्ने गर्दछन् । स्पिन राम्रो खेल्ने हुँदा अघा अलीको ठाउँमा उनलाई मौका दिएको हो ।

ओपनर फखार जमानलाई पनि बेन्चमा राखेको छ । फखार जमान लयमा छैनन् । लगातार खराब प्रदर्शन गरेपछि जमानको स्थानमा युवा ब्याटर मोहम्मद हरिसलाई मौका दिएको छ । हरिस आक्रामक ब्याटिङको क्षमता राख्छन् । त्यस्तै तीव्र गतिका बलर फहिम अशरफको स्थानमा मोहम्मद नवाजलाई मौका दिएको छ । नवाज स्पिन अलराउन्डर हुन् ।

सुपर फोर खेलमा पाकिस्तानले बंगलादेशलाई ७ विकेटले हराएको थियो । भारतसँग २ सय २८ रनले पराजित भएको थियो । पाकिस्तान फाइनलमा जित बाहेक अन्य कुनै विकल्प बाँकी छैन ।

वर्षाको कारण खेल रद्द भएपनि नेटरनरेटको कारण बाहिरिनु पर्ने समिकरण छ । भारत भने २ खेलमा ४ अंकका साथ शीर्ष स्थानमा रहँदै फाइनलमा पुगेको छ । फाइनल आगमी आइतबार हुनेछ ।

श्रीलंकाविरुद्ध खेल्ने पाकिस्तानको प्लेइङ ११ :

मोहम्मद हरिस, इमाम उल हक, बाबर आजम (कप्तान), मोहम्मद रिजवान (विकेटकिपर), साउद सकिल, इफ्तिखर अहमद, सादब खान, मोहम्मद नवाज, शाहिन शाह अफ्रिदी, मोहम्मद वासिम जुनियर र जमान खान ।

May 24, 2024

बंगलादेशविरुद्ध अमेरिकाको लगातार दोस्रो जित

ह्युस्टन (हाम्रो खेलकुद) – बंगलादेशलाई लगातार दोस्रो खेलमा स्तब्ध पार्दै अमेरिकाले ३ खेलको टि ट्वान्टी शृंखला एक खेल अगावै जितेको छ । प्रेरी भ्यू क्रिकेट कम्प्लेक्समा बिहीबार भएको दोस्रो खेलमा अमेरिकाले बंगलादेशमाथि ६ रनको जित दर्ता गर्दै शृंखला कब्जा गरेको हो । अमेरिकाले दिएको १ सय ४५ रनको लक्ष्य पछ्याएको बंगलादेश ३ बल बाँकी छँदै […]

May 23, 2024

महिला क्रिकेटको प्रारम्भिक टोलीमा २८ खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि प्रारम्भिक टोली घोषणा गरेको छ । क्यानले इन्दु वर्माको कप्तानीमा २८ जनालाई समेट्दै बुधबार नेपाली टोली घोषणा गरेको हो । ललितपुर मेयर्स कप खेलेका कोशी प्रदेशका बलर एलिसा खडिया, बागमती प्रदेशकी हेलिसा गुरुङ, सुदूरपश्चिमकी सावित्री धामी, एपीएफकी राजमती ऐरी पहिलो पटक राष्ट्रिय […]

May 23, 2024

सन्दीपलाई अमेरिकाको भिसा दिलाउन पहल सुरु

काठमाडौं (हाम्रो खेलकुद)- क्रिकेटर सन्दीप लामिछानेलाई‌ टि ट्वान्टी विश्वकपको लागि अमेरिकाको भिसा दिलाउन कुटनीतिक पहल हुने भएको छ।युवा तथा खेलकुद मन्त्रालयले परराष्ट्र मन्त्रालयमार्फत प्रक्रिया अघि बढाउने भएको हो । सन्दीपलाई बुधबार अन्तर्वार्तामा बोलाएर अमेरिकी दूतावासले भिसा अस्वीकार गरेको थियो । भिसा नदिइनुको स्पष्ट कारण खुलाइएको छैन । सन्दीपले सामाजिक सन्जालमा स्ट्याटस लेखेर आफूलाई भिसा दिन […]

Success

Thank you for your time.