default_image

9 months ago

September 14, 2023

स्टोक्सको कीर्तिमानी शतकमा इंग्ल्यान्डको विशाल जित

1100 views

0 Bookmark

एजेन्सी – बायाँ हाते ब्याटर बेन स्टोक्सको कीर्तिमानी शतकमा इंग्ल्यान्डले तेस्रो ओडिआई खेलमा न्युजिल्यान्डमाथि १ सय ८१ रनको फराकिलो जित हात पारेको छ । योसँगै चार ओडिआई खेलको सिरिजमा घरेलु टोली इंग्ल्यान्डले २-१ को अग्रता लिएको छ ।

जितको लागि ३ सय ६९ रनको विशाल विजयी लक्ष्य पछ्याएको न्युजिल्यान्ड ३९ ओभरमा १ सय ८७ रनमा अल आउट भयो । न्युजिल्यान्डका ग्लेन फिलिप्सले ७६ बलमा ५ चौका र २ छक्कासहित सर्वाधिक ७२ रनको योगदान दिए ।

रचिन रविन्द्रले २२ बलमा ५ चौकासहित २८,कायल जेमिसन १४, ओपनर डेभन कन्वे ९, विल योंग १२, हेनरी निकोलस ४, डर्याल मिचेल १७ र टम लाथम ३ रनमा आउट भए ।

इंग्ल्यान्डका क्रिस वोक्सले ८ ओभरमा ३१ रन खर्चेर ३ विकेट लिए । लियाम लिभिङस्टोनले ५ ओभरमा १६ रन खर्चेर ३ विकेट लिए । रिस टोप्लीले ९ ओभरमा ३१ रन खर्चेर २ विकेट लिए । साम करन र मोईन अलीले एक एक विकेट लिए ।

त्यसअघि लन्डनमा टस हारेर पहिला ब्याटिङको निम्तो पाएको इंग्ल्यान्ड ४८.१ ओभरमा ३ सय ६८ रनमा अल आउट भएको थियो । इंग्ल्यान्डका बेन स्टोक्सले १ सय २४ बलमा १५ चौका र ९ छक्कासहित १ सय ८२ रनको विष्फोटक शतकीय इनिङ खेले । बेन स्टोक्सको ओडिआई करिअरको चौथो र सर्वोत्कृष्ट प्रदर्शन हो । यसअघि स्टोक्सको ओडिआईमा उच्च प्रदर्शन २०१७ मा अष्ट्रेलियाविरुद्ध १ सय २ रन मात्रै थियो ।

स्टोक्स इंग्ल्यान्डबाट ओडिआईमा एकै इनिङमा सर्वाधिक रन बनाउने ब्याटर पनि बनेका छन् । उनले २०१८ मा ओपनर जेसन रोयको अष्ट्रेलियाविरुद्ध १ सय ८० रनको कीर्तिमान तोडे ।

स्टोक्स बेन लिस्टरको ४५ औं ओभरको तेस्रो बलमा विल योंगबाट क्याच भएपछि दोहोरो शतकको अवसर गुमाएका थिए । गत जुलाईमा ओडिआईबाट सन्न्यास लिएका थिए । तर विश्वकपको लागि इंग्ल्यान्डले आग्रह गरेपछि सन्न्यास फिर्ता लिएका थिए । यस प्रदर्शनले इंग्ल्यान्डको मनोबल झनै बढ्नेछ ।

ओपनर डेविड मलान ९५ बलमा १२ चौका र १ छक्कासहित ९६ रनमा आउट भए । तेस्रो विकेटका लागि मलान र स्टोक्सले १ सय ९९ रनको साझेदारी गरेका थिए ।

ठूलो सटको चक्करमा अन्य ब्याटर भने सस्तैमा आउट भए । कप्तान जस बटलर २४ बलमा ६ चौका र १ छक्कासहित ३८, लियाम लिभिङस्टोन ११, मोईन अली १२, जो रुट ४ र जोनी बेयरस्टो डक आउट भए ।

न्युजिल्यान्डका ट्रेन्ट बोल्टले ९.१ ओभरमा ५१ रन खर्चेर ५ विकेट लिएपनि टोलीलाई जिताउन सकेनन् । बेन लिस्टरले ९ ओभरमा ६९ रन खर्चेर ३ विकेट लिए । लोकी फर्गुसन र ग्लेन फिलिप्सले एक एक विकेट लिए ।

पहिलो खेलमा न्युजिल्यान्ड ८ विकेटले विजयी भएको थियो । दोस्रो खेलमा इंग्ल्यान्ड ७९ रनले विजयी भएको थियो । चौथो तथा निर्णायक खेल शुक्रबार हुनेछ ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.