default_image

9 months ago

September 14, 2023

चन्द नै क्यानको अध्यक्षमा दोहोरिने उच्च सम्भावना

7088 views

0 Bookmark

काठमाडौं (हाम्रो खेलकुद) – नेपाल क्रिकेट संघ (क्यान) को असोज ५ र ६ गते हुने केन्द्रिय चुनावमा चतुरबहादुर चन्द नै पुन अध्यक्षमा निर्वाचित हुने सम्भावना छ । ४५ जिल्ला र ७ प्रदेशको चुनाव सम्पन्न भएसँगै चन्द नै अध्यक्षमा निरन्तर हुने समिकरण बनेको हो ।

वर्तमान अध्यक्ष चन्दले अध्यक्षमा अर्को कार्यकालका लागि पनि अध्यक्ष पदमा उठ्ने हाम्रो खेलकुदलाई बताएका छन् । ‘आफ्नो ‘चार वर्ष कार्यकालमा कोरोना महामारी र विभिन्न कारणले सोचेको काम पूरा गर्न सकिएन । अबको चार वर्षमा घरेलु क्रिकेटको संरचना र पूर्वाधार विकासमा प्राथमिकताका साथ काम गर्नेछौं,’ उनले भने ।

क्यानको चुनाव आउन एक साता मात्रै बाँकी छ । चन्द बाहेक अन्यले अध्यक्ष पदका लागि सार्वजनिक रुपमा दाबेदारी प्रस्तुत गरेका छैनन् । त्यसैले पनि चन्द सकेसम्म कार्यसमिति निर्माण सर्वसम्मत नै होस् भन्ने मनसायका साथ अघि बढेका छन् ।

‘सबै मिलेर अघि बढ्नुपर्छ भन्ने नै हो । प्रदेश र जिल्ला निर्वाचनपछि सबैबाट सकारात्मक छलफल भएको छ । एकजुट भएर अघि बढ्ने लक्ष्य अनुसार नै छलफलमा छौं,’ चन्दले भने ।

सिंह पछि हट्दा चन्दलाई सहज

क्यानका वर्तमान कोषाध्यक्ष रोशन सिंहले पछिल्लो दुई वर्षदेखि अध्यक्षमा लड्ने तयारी गरेका थिए । चन्दसँग अध्यक्षमा भिड्नकै लागि उनी जिल्ला एवं प्रदेश निर्वाचनमा पनि लागेका थिए । तर प्रदेश चुनावको नतिजा आफू अनुकुल नआएपछि उनी नउठ्ने पक्का जस्तै देखिन्छ ।

विशेषगरि कोशी र बागमती प्रदेशमा आफ्नो प्यानलको हारपछि सिंह अध्यक्ष पदमा नउठ्ने समिकरण बनेको हो । वर्तमान कार्यसमितिमा कोषाध्यक्ष रहेका सिंहले फेरीपनि चन्दसँगै मिलेर अघि बढ्ने देखिन्छ ।

क्यान जिल्ला र प्रदेश चुनावमा तीन धार

जिल्ला र प्रदेशको चुनावमा तीन धारमा देखिएको थियो । अध्यक्ष दावेदार चन्द र सिंहसँगै पूर्वकप्तान पारस खड्काले चुनावको बलियो तयारी गरेका थिए । पारस काठमाडौं जिल्ला सदस्य हुँदै बागमती प्रदेशको अध्यक्षमा जितेका छन् । पारस क्यान पदाधिकारीमा आउने पक्का छ । यद्यपि उनले कुन पदमा उठ्ने आधिकारीक रुपमा सार्वजनिक गरेका छैनन् ।

रोशन सिंह, वर्तमान सचिव दुर्गाराज पाठक र पूर्व सचिव प्रशान्त विक्रम मल्लको एउटा प्यानल थियो । तर प्रदेशको नतिजा चन्दसँग मिलेर लड्न बाहेक अन्य विकल्प छैन । यता पारस प्यानल भने बलियो दाबेदारी प्रस्तुत गरेको छ । पारसले चन्दसँग मिलेर चुनाव लड्ने सम्भावना छ ।

यदि पारस र चन्द एकसाथ चुनावमा उभिए जित्ने सम्भावना लगभग पक्काजस्तो छ । क्यानको चुनावमा कुल ८६ मत छ । अध्यक्षसहित प्रमुख पदाधिकारी पद जित्न ४४ मत आवश्यक पर्दछ । यदि चन्दसँग मिलेको खण्डमा पारसलाई कुनैपनि पदमा जित्न सहज हुने देखिन्छ ।

उता चन्द भने सकेसम्म तीनै पक्षलाई मिलाएर सर्वसमत केन्द्रिय समिति चुन्ने प्रयासमा छन् । चन्दले आफूले कुन पक्षलाई साथ दिने औपचारिक रुपमा खुलाएका छैनन् । नेपाली क्रिकेट विकासको लागि सबै पक्षलाई एक बनाएर लैजाने योजना बनाएका छन् ।

नेपाली क्रिकेटलाई अर्को स्तरमा पुर्याउन पारसको भूमिका महत्त्वपूर्ण हुने चन्दले बुझेका छन् । त्यसैले उनले पारसलाई पनि समेटेर अघि बढ्ने योजना बनाइरहेका छन् । क्यानका अन्य पदाधिकारी र कर्माचारीले काम गर्न नसकेको अवस्थामा पारस सबैभन्दा ठूला आशाका किरण हुन् ।

तर वर्तमान क्यान नेतृत्वका केहि पदाधिकारी भने पारसलाई भित्र्याउन चाहदैनन् । त्यसैकारण बागमती प्रदेश चुनावमा पारसविरुद्ध अर्को प्यानल खडा भएको थियो । पारसलाई प्रदेशमै रोक्ने प्रयास असफल भएको थियो । अब उनीहरुको लक्ष्य पारसलाई क्यान नेतृत्वमा रोक्ने देखिन्छ । तर पारसले तालमेल गर्दै बलियो सम्भावना प्रस्तुत गरेका छन् ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.