default_image

9 months ago

September 20, 2023

नेपाल आउनु अघि वासिमको उत्कृष्ट प्रदर्शन

5657 views

0 Bookmark

एजेन्सी – अर्को महिना आइसिसी टि२० विश्वकप एसिया क्षेत्र छनोट खेल्न नेपाल आउनु अघि युएईका कप्तान मोहम्मद वासिमले उत्कृष्ट प्रदर्शन गरेका छन् । कतारमा जारी ६ देश सम्मिलित गल्फ क्रिकेट टि२० च्याम्पियनसिपमा वासिमले सुरुवाती तीनै खेलमा अर्धशतक प्रहार गरेका छन् ।

वासिमले पहिलो खेलमा ओमानविरुद्ध ३८ बलमा ४ चौका र ८ छक्कासहित ८० रन बनाएका थिए । उनको उक्त प्रदर्शनको सहयोगमा युएईले ४ विकेट गुमाउँदै १ सय ९१ रन बनाएको थियो । युएईले ओमानलाई २२ रनले हराउँदा वासिम प्लेयर अफ द म्याच चुनिएका थिए ।

वासिमले साउदी अरेवियाविरुद्ध १ सय २२ रनको विजयी लक्ष्य पछ्याउनेक्रममा ४३ बलमा ५ चौका र ३ छक्कासहित ६० रनमा नटआउट रहेका थिए । उक्त खेलमा चार विकेट लिएका मोहम्मद जवादुल्लाह प्लेयर अफ द म्याच चुनिएका थिए । कुवेतविरुद्ध वासिमले ३९ बलमा ४ चौका र ७ छक्कासहित ७४ रनको इनिङ खेलेका थिए ।

गतवर्ष ओमानमा सम्पन्न टि२० विश्वकप एसिया क्षेत्र छनोटको निर्णायक सेमिफाइनलमा नेपाललाई हराउन वासिमले ४८ बलमा ४ चौका र ४ छक्कासहित ७० रन बनाएका थिए । नेपाललाई ६८ रनले हराउँदै युएईले विश्वकपमा स्थान बनाएको थियो । उक्त खेलमा वासिमको अर्धशतकसँगै वृत्य अरविन्दले २३ बलमा ५ चौका र ३ छक्कासहित ४६ रनमा नटआउट इनिङ खेलेका थिए ।

नेपालले विश्वकपमा स्थान बनाउन आगमी महिना घरेलु मैदानमा हुने आइसिसी टि२० विश्वकप एसिया क्षेत्र छनोटको फाइनलमा स्थान बनाउनुपर्छ । अक्टोबर ३० देखी नोभेक्बर ९ सम्म हुने उक्त छनोटमा फाइनलमा पुग्ने दुई टोलीले विश्वकप खेल्नेछन् । नेपाल र युएई विश्वकपमा पुग्नसक्ने प्रमुख दाबेदार टोली हुन् ।

आइसिसी टि२० विश्वकप एसिया क्षेत्र छनोटमा आयोजक नेपाल, मलेसिया, युएई, हङकङ, ओमान, बहराइन, सिंगापुर र एसिया क्षेत्री छनोट ए बाट आउने एक टोली हुनेछन् । एसिया क्षेत्रीय छनोट ए आगमी सेप्टेम्बरमा कतारमा हुनेछ । उक्त छनोटमा कतार, कुवेत, माल्दिभ्स र साउदी अरेविया छन् । विजेता टोली विश्वकप छनोट खेल्न नेपाल आउने छ ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.