2 months ago
September 25, 2023
एजेन्सी – नेपालले चीनमा जारी १९ औं एसियाली खेलकुद अन्तर्गत क्रिकेट प्रतियोगितामा पहिलो खेल मंगोलियासँग खेल्दैछ । नेपाल र मंगोलियाबीचको खेल बुधबार बिहान ६ : ४५ मा सुरु हुनेछ । नेपालसँगको खेलसँगै मंगोलियाले अन्तर्राष्ट्रिय क्रिकेटमा डेब्यू गर्नेछ । २०२१ मा अन्तर्राष्ट्रिय क्रिकेट परिषद् (आइसिसी) ले मंगोलियालाई एसोसिएट टोलीको मान्यता दिएको थियो । मंगोलियाले हालसम्म कुनैपनि […]
एजेन्सी – नेपालले चीनमा जारी १९ औं एसियाली खेलकुद अन्तर्गत क्रिकेट प्रतियोगितामा पहिलो खेल मंगोलियासँग खेल्दैछ । नेपाल र मंगोलियाबीचको खेल बुधबार बिहान ६ : ४५ मा सुरु हुनेछ ।
नेपालसँगको खेलसँगै मंगोलियाले अन्तर्राष्ट्रिय क्रिकेटमा डेब्यू गर्नेछ । २०२१ मा अन्तर्राष्ट्रिय क्रिकेट परिषद् (आइसिसी) ले मंगोलियालाई एसोसिएट टोलीको मान्यता दिएको थियो । मंगोलियाले हालसम्म कुनैपनि अन्तर्राष्ट्रिय क्रिकेट खेल खेलेको छैन । नेपालले मंगोलियाविरुद्ध थुप्रै विश्व कीर्तिमानहरु बनाउन सक्ने अनुमान गरिएको छ ।
यस्तो छ मंगोलिया क्रिकेट अवस्था
मंगोलियाले २०१४ देखी बच्चाहरुमा क्रिकेट सिकाउन बढी ध्यान दिँदै आएको छ । स्कुल क्रिकेटमा लगानी बढाएको छ । आइसिसीका अनुसार स्कुल क्रिकेट पछिल्लो समय बढेको छ । मंगोलियाको राजधानी उलानबाटरमा ६ प्रान्तबीच क्रिकेट प्रतियोगिता हुँदै आएको छ ।
मंगोलियन फ्रेन्डसिप क्रिकेट ग्राउन्डमा नेशनल पार्कमा २०१६ देखी क्रिकेट हुँदै आएको छ । २०२० देखी ८ टोलीले मंगोलिया नेशनल टि२० लिग प्रतियोगिता खेल्दै आएका छन् । ५० ओभरको तीन खेलको सिरिज पनि हुँदै आएको छ । डिसेम्बर देखी मार्च सम्म इन्डोर र जुन देखी सेप्टेम्बर सम्म मैदानमा खेल हुनेछ ।
महिला टोलीको प्रदर्शन
एसियाली खेलमुदमा मंगोलिया महिला टोलीले दुई खेल खेलेको थियो । इन्डोनएसियाले पहिला ब्याटिङ गर्दै २० ओभरमा ४ विकेट गुमाउँदै १ सय ८७ रन बनाएको थियो । उक्त लक्ष्य पछ्याएको मंगोलिया १० ओभरमा १५ रनमा अल आउट भएको थियो । हङकङले मंगोलियालाई २ सय २ रन हानेको थियो । उक्त लक्ष्य पछ्याउनेक्रममा १४.३ ओभरमा २२ रन बनाएको थियो ।
नेपालबाट पदकको आशा
समूह ए मा रहेको नेपालले आफ्नो अन्तिम खेल आइतबार माल्दिभ्ससँग खेल्नेछ । नेपाल क्वाटरफाइनलमा पुग्न औपचारिकता मात्रै बाँकी देखिन्छ । क्वाटरफाइनलमा बंगलादेश, भारत, अफगानिस्तान, पाकिस्तान र श्रीलंका छन् । विश्वकपको कारण सबै टेस्ट टोलीले आफ्नो दोस्रो रोजाईको टोली पठाएका छन् ।
क्वाटरफाइनलमा समूह ए, बी र सी बाट शीर्ष तीन टोली आउनेछन् । ड्रबाट क्वाटरफाइनलमा प्रतिस्पर्धा गर्नुपर्ने हुन्छ । नेपालले एसियाली क्रिकेटमा पदकको ठूलो अपेक्षा राखेको छ । नेपाली क्रिकेट टोली आइतबार नै चीनतर्फ लागेको छ । सन्दीप भने आइतबार पेशीको कारण सोमबार मात्रै जानेछन् ।
November 30, 2023
काठमाडौं (हाम्रो खेलकुद) – प्रधानमन्त्री कप महिला टि२० छनोट अन्तर्गत प्रदेश छनोटका लागि बागमती प्रदेशले २५ लाख रुपैयाँ प्रदान गर्ने भएको छ । बागमती प्रदेश खेलकुद विकास परिषद् ले बागमती प्रदेश क्रिकेट संघसँगको सहकार्यमा प्रधानमन्त्री कप महिला क्रिकेट छनोट प्रतियोगिता आयोजना गर्दैछ । बिहीबार एक विज्ञप्ती जारी गर्दै प्रदेश खेलकुद विकास परिषद्, बागमतीले प्रदेशले प्रदेश […]
November 30, 2023
काठमाडौं (हाम्रो खेलकुद) – मधेश प्रदेशले केपी ओली टि२० कपको दोस्रो सेमिफाइनल खेलमा नेपाल एपिएफ क्लबलाई ११ रनले हराउँदै पहिलो पटक फाइनलमा पुगेको छ । मधेश पहिलो पटक फाइनलमा पुगेको हो । उपाधिको लागि मधेशले आर्मीसँग खेल्नेछ । जितको लागि १ सय ९८ रनको विशाल विजयी लक्ष्य पछ्याएको एपिएफले २० ओभरमा ९ विकेट गुमाउँदै १ […]
November 30, 2023
काठमाडौं (हाम्रो खेलकुद) – आइसिसी टि२० विश्वकप २०२४ मा सहभागिता जनाउने सबै २० टोलीको नै टुङ्गो लागेको छ । अफ्रिका छनोटबाट नामिबिया र युगान्डा छनोट भएसँगै विश्वकप खेल्ने सबै टोलीको टुङ्गो लागेको हो । विश्वकप आगामी २०२४ जुन ४ देखी ३० सम्म अमेरिका र वेस्टइन्डिज संयुक्त रुपमा आयोजना गर्नेछन् । उक्त विश्वकपमा नेपालसँगै अमेरिका, वेस्टइन्डिज, […]