default_image

10 months ago

September 25, 2023

माल्दिभ्सविरुद्ध पहिलो हाफमा नेपालको दुई गोल

3416 views

0 Bookmark

काठमाडौं (हाम्रो खेलकुद) – सेमिफाइनमा पुग्न जित्नै पर्ने निर्णायक खेलमा घरेलु टोली नेपालले साफ यू-१९ च्याम्पियनसिप अन्तर्गत माल्दिभ्सविरुद्ध पहिलो हाफलमा दुई गोल गरेको छ । पहिलो हाफको समाप्तिमा नेपाल २-० ले अघि छ। खेलमा दुवै टोली १० जनामा सीमित छन्।

नेपालका लागि प्रशान्त लक्सम र समिर तामाङले गोल गरेका हुन् । यस प्रतियोगितामा पहिलो पटक सुरुवात- ११ मा स्थान बनाएका प्रशान्त लक्समले पहिलो गोल गरेका थिए । दोस्रो गोल समीर तामाङले गर्दै अग्रता बढाएका थिए ।

नेपालले १७ औं मिनेटमा खेलमा अग्रता लिएको थियो। लक्समले बक्स बाहिरबाट प्रहार गरेको बलले जाली चुमेको थियो। ३० औं मिनेटमा नेपालको अग्रता दोब्बर भयो। निराजन धामीको थ्रु-पासमा समीर तामाङले गोल गरेका थिए ।

३४ औं मिनेटमा दुवै टोलीका खेलाडीले रातो कार्ड खाएपछि १०-१० जनामा सीमित हुन पुग्यो । माल्दिभ्सका कप्तान मोहम्मद हसन र नेपालका सुजन डंगोल रातो कार्ड खाँदै मैदानबाट बाहिरिएपछि दुवै टोली १० जनामा खेलिरहेका छन् । दोस्रो गोलपछि नेपालका सुजनले माल्दिभ्सका कप्तान हसनलाई अफ बलमा धकलेका थिए । त्यसपछि हसन उठेर जंगिएपछि दुबै खेलाडीले रातो कार्ड खाएका थिए ।

नेपाल सेमिफाइनलमा पुग्न यस खेलमा जित्नै पर्ने हुन्छ । नेपाल पहिलो खेलमा पाकिस्तानसँग १(० गोल अन्तरले पराजित भएको थियो । त्यसैको कारण नेपाललाई सेमिफाइनलमा स्थान बनाउन यो खेल जित्नै पर्ने हुन्छ । उता माल्दिभ्सलाई सेमिफाइनलमा स्थान बनाउन भने बराबरी पर्याप्त हुनेछ ।

समूह ए बाट पाकिस्तान चार अंकका साथ सेमिफाइनलमा स्थान बनाएको छ । माल्दिभ्स १ अंकका साथ दोस्रो र नेपाल अंक बिहीन हुँदै पुछारमा छ । उता समूह बी को अन्तिम खेलमा आज ५ः३० मा भारत र भुटान बीच प्रतिस्पर्धा हुँदैछ दुवै टोलीको तीन अंक रहेको छ । आज जित हासिल गर्ने टोलीले समूह विजेता बन्दै सेमिफाइनलको यात्रा तय गर्ने छ । हार बेहोर्ने टोली पनि दोस्रो रहँदै सेमिफाइनलमा पुग्ने छ। समूह बी बाट बंगलादेश दुई खेलमा दुई हार सहित समूह चरणबाट बाहिरिसकेको छ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.