10 months ago
September 26, 2023
काठमाडौं (हाम्रो खेलकुद) – नेपालले चीनमा जारी १९ औं एसियाली खेलकुद अन्तर्गत क्रिकेट प्रतियोगितामा माल्दिभ्सको दोस्रो रोजाईको टोलीसँग खेल्ने भएको छ । एसियाड र आइसिसी टि२० विश्वकप सब रिजनल एसिया क्वालिफायर ए जुधेपछि माल्दिभ्सले दोस्रो रोजाईको टोली पठाएको छ ।
क्वालिफायरको विजेता टोलीले अर्को महिना नेपालमा हुने टि२० विश्वकप एसिया क्षेत्र छनोट खेल्न पाउनेछ । त्यसैले माल्दिभ्सले क्वालिफायरमा पहिलो र एसियाडमा दोस्रो रोजाईको टोली पठाएको छ ।
नेपालले आइतबार माल्दिभ्ससँग खेल्नेछ । त्यसै दिन माल्दिभ्सले क्वालिफायरमा कतारसँग दोहामा खेल्नेछ । बिहीबार माल्दिभ्सले एसियाडमा मंगोलियासँग बिहान खेल्नेछ । माल्दिभ्सले सोहि दिन क्वालिफायरमा दिउँसो साउदी अरेवियासँग खेल्नेछ । माल्दिभ्सको दुबै दिन खेल पनि जुधेको छ।
क्वालिफायरमा साउदी अरेबिया, कतार, माल्दिभ्स र कुवेत छन् । डबल राउन्ड रोबिनको आधारमा हुने प्रतियोगिताको शीर्ष टोली नेपाल आउनेछ । एसियाड २७ सेप्टेम्बर देखी ७ अक्टोबरसम्म हुनेछ । उता क्वालिफायर २८ सेप्टेम्बर देखी ५ अक्टोबर सम्म दोहामा हुनेछ ।
नेपालले एसियाडमा पहिलो खेल बुधबार बिहान मंगोलियासँग खेल्दै सुरुवात गर्नेछ । नेपालको क्वाटरफाइनल औपचारिकता मात्रै बाँकी देखिन्छ । क्वाटरफाइनलमा भारत, पाकिस्तान, श्रीलंका, बंगलादेश र अफगानिस्तान मध्य एक टोलीसँग खेल्नुपर्ने हुन्छ । एसियाडमा क्रिकेटलाई पदकको दाबेदार टोलीको रुपमा हेरिएको छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]