default_image

10 months ago

September 26, 2023

मंगोलियाविरुद्ध नेपालको सम्भावित प्लेइङ–११

10506 views

0 Bookmark

काठमाडौं (हाम्रो खेलकुद) – नेपालले १९ औं एसियाली खेलकुद अन्तर्गत पुरुष क्रिकेट प्रतियोगिता पहिलो खेलमा बुधबार मंगोलियासँग खेल्दैछ । खेल नेपाली समय अनुसार बिहान ६ : ४५ मा चीनको हांग्जाउमा रहेको झेजियाङ युनिर्भसिटी अफ टेक्नोलोजी क्रिकेट फिल्डमा सुरु हुनेछ ।

टि२० आई मान्यता प्राप्त उक्त खेलमा मंगोलियाले आफ्नो अन्तर्राष्ट्रिय क्रिकेटमा डेब्यू समेत गर्नेछ । तुलनात्मक रुपमा नेपाल भन्दा मंगोलिया धेरै कमजोर टोली हो । हालसम्म कुनैपनि अन्तर्राष्ट्रिय खेल मंगोलियाले खेलेको छैन । मंगोलिया नेपालबाट जित्न भन्दा पनि सिक्न चाहन्छ । नेपालले क्वाटरफाइनल अघि राम्रो मोमेन्ट बनाउन चाहन्छ । टस जितेको खण्डमा नेपालको लक्ष्य सम्भव त पहिला ब्याटिङ गर्दै रन र विश्व कीर्तिमानको वर्षा गराउने हुनेछ ।

नेपालले ओपनरमा कुशल भुर्तेल र आसिफ शेखलाई निरन्तरता दिनेछ । कुशल आक्रामक र आसिफ लामो इनिङका लागि जानेछन् । पहिला ब्याटिङ गर्दा नेपालको लक्ष्य सुरुवात देखीनै आक्रामक क्रिकेट खेल्ने हुनेछ ।

तेस्रो नम्बरमा नेपालले रोहित पौडेल र कुशल मल्ल मध्य एकलाई खेलाउनेछ । यदि ओपनर पावर प्लेमा आउट भएमा कुशलको सम्भावना छ । त्यसपछि भने रोहित पौडेल खेल्नेछन् । तेस्रो र चौथो नम्बरमा रोहित र कुशल मल्ल खेल्नेछन् ।

नेपालले पाँचौं नम्बरमा दीपेन्द्रसिंह ऐरीलाई खेलाउनेछ । दीपेन्द्रको टि२० आईमा राम्रो इतिहाछ छ । दीपेन्द्रले ४४ टि२० आईमा १ शतक र ५ अर्धशतकसहित कुल ११ सय ३ रन बनाएका छन् । नेपालले छैटौं नम्बरमा विनोद भण्डारीलाई खेलाउनेछ । विनोद एक वर्षपछि टोलीमा फर्किएका छन् । विनोदको भूमिका फिनिसरको हुनेछ ।

नेपालको ब्याटिङमा गहिराई छ । सातौं, आठौं र नबौ नम्बर सम्म सोमपाल कामी, करण केसी र गुलशन झाको सम्भावना छ । करण विष्फोटक हिटर हुन् । उनलाई टि२० शैली अझ सहज हुनसक्छ । नेपाल चार तीव्र गतिको बलिङ विकल्पका साथ मैदान उत्रनेछ ।

डेथ ओभर स्पेलिष्ट अभिनाश बोहरा पनि टोलीको पहिलो रोजाईमा खेल्नेछन् । गुलशन पार्ट टाइम तीव्र गतिका बलरको रुपमा खेल्नेछन् । सोमपाल र करण नेपालका पहिलो रोजाईका बलर हुन् ।

स्पिनर सन्दीप लामिछाने पनि खेल्ने सम्भावना छ । उनी आज राती मात्रै चीन पुग्नेछन् । स्पिन आक्रामणमा दीपेन्द्रले सन्दीपलाई साथ दिनेछन् । तेस्रो पार्टटाइम स्पिनरमा कुशल मल्ल हुनेछन् । आवश्यक परेमा रोहितले कुशल भुर्तेललाई पनि प्रयोग गर्न सक्छन् ।

नेपालको सम्भावित प्लेइङ ११ :

आसिफ शेख, कुशल भुर्तेल, रोहित पौडेल (कप्तान), कुशल मल्ल, गुलशन झा, विनोद भण्डारी (विकेटकिपर), दीपेन्द्रसिंह ऐरी, सोमपाल कामी, करण केसी, अभिनाश बोहरा र सन्दीप लामिछाने ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.