default_image

2 years ago

September 27, 2023

कीर्तिमानले छायाँमा परेको पक्ष – मंगोलियाले जोडेकोभन्दा नेपालले दिएको एक्स्ट्रा बढी

25994 views

0 Bookmark

हाङ्गचौ (हाम्रो खेलकुद) – नेपालले १९ औं एसियाली खेलकुद अन्तर्गत क्रिकेट प्रतियोगिता पहिलो खेलमा मंगोलियामाथि विश्व कीर्तिमानको वर्षा गरायो । पहिलो पटक अन्तर्राष्ट्रिय खेल खेलेको मंगोलियालाई नेपालले २ सय ७३ रनले हरायो । उक्त जित अन्तर टि२० क्रिकेट इतिहासकै सबैभन्दा ठूलो हो ।

टस हारेर पहिला ब्याटिङको निम्तो पाएको नेपालले निर्धारित २० ओभरमा ३ विकेट गुमाउँदै ३ सय १४ रन बनाएको थियो । नेपाल टि२० इतिहासमा ३ सय रन कटाउने पहिलो टोली थियो । जितका लागि ३ सय १५ रनको विशाल विजयी लक्ष्य पछ्याएको मंगोलिया १३.१ ओभरमा ४१ रनमा अल आउट भयो ।

मंगोलियाका दावासुरेन जम्यानसुरेनले २३ बलमा २ चौकासहित सर्वाधिक १० रन बनाए । नेपाली बलिङ सामु दोहोरो अंकमा रन बनाउने उनी एक्लो ब्याटर रहे । पाँच खेलाडीले खाता खोल्न सकेनन् । तर मंगोलियाका पुरै ११ खेलाडीले बनाएको कुल रन भन्दा नेपाली बलरले एक्स्ट्रा (अतिरिक्त) बढी दिन पुगेका थिए ।

मंगोलियाका ब्याटरले कुल १८ रन जोड्न सकेका थिए । बाकी २३ रन नेपाली बलरले एस्क्ट्रा दिएका थिए । नेपालले पाँच रन लेग वाइ, दुई नो बल र १६ वाइड फ्याँलेको थियो ।

नेपालबाट गुलशन झाले ३ ओभरमा १८ रन खर्चिए । गुलशनले ५ वाइड र एक नो बल फ्याँलेका थिए । गुलशन यस खेलमा सर्वाधिक धेरै ६ एक्स्ट्रा फालेका थिए । त्यस्तै सोमपाल कामीले २ ओभरमा ६ रन खर्चेर १ विकेट लिए । उनले दिएको ६ रनमा २ वाइड र एक नो बल थियो ।

करण केसीले २ ओभरमा १ मेडनसहित १ रन खर्चेर २ विकेट लिए । करणले उक्त एक रन वाइडको रुपमा दिएका थिए । अभिनाश बोहराले २ ओभरमा १ मेडनसहित २ रन खर्चेर २ विकेट लिए । जसमा एक वाइड सामेल थियो । सन्दीप लामिछानेले २ ओभरमा १ मेडनसहित ७ रन खर्चेर २ विकेट लिए । दीपेन्द्रले २ ओभरमा २ रन खर्चेर १ विकेट लिए । दीपेन्द्र र सन्दीपले एक एक वाइड फ्याँलेका थिए ।

तर रनको वर्षा र विश्व कीर्तिमानले नेपालले दिएको बढी एक्स्ट्रा रन छायाँमा परेको थियो । नेपालले यस कमजोरीलाई आगमी दिनमा सुधार गर्नुपर्ने हुन्छ । नेपालले आइतबार माल्दिभ्ससँग खेल्नेछ । माल्दिभ्सले आइसिसी टि२० विश्वकप एसिया रिजनल छनोटको कारण दोस्रो रोजाईको टोली पठाएको छ । माल्दिभ्सविरुद्ध पनि नेपालले रनको वर्षा गराउन सक्ने अनुमान गरिएको छ ।

यो पनि पढ्नुहोस् : एकै खेलमा नेपालका १० दुर्लभ विश्व कीर्तिमान

April 23, 2025

मुम्बईको जित

एजेन्सी –इण्डियन प्रिमियर लिग (आइपिएल) मा मुम्बई इण्डियन्सले पाँचौं जित हात पार्दा लिगको तेस्रो स्थानमा उक्लिएको छ। मुम्बईले आज सनराइजर्स हैदरबादलाई ७ विकेटले माथ दियो। जितको लागि १ सय ४४ रनको सहज विजय लक्ष्य मुम्बईले १५.४ ओभरमा ३ विकेट गुमाउँदै पूरा गर्यो। रोहित शर्माले ४६ बलमा ८ चौका र ३ छक्कासहित सर्वाधिक ७० रन बनाए। […]

April 23, 2025

मुम्बईले टस जित्यो

एजेन्सी – मुम्बई इण्डियन्सले इन्डियन प्रिमियर लिग (आइपिएल) मा आज सनराईज हैदराबादसँगको खेलमा टस जितेको छ।टस जितेर मुम्बईले फिल्डिङ रोजेको छ। मुम्बई ८ अंकसहित तालिकाको छैटौं र हैदराबाद ४ अंकका साथ नवौं स्थानमा छ।

April 22, 2025

दिल्लीको छैटौं जित

एजेन्सी – इण्डियन प्रिमियर लिग (आइपिएल) मा दिल्ली क्यापिटल्स छैटौं जित दर्ता गर्न सफल भएको छ । दिल्लीले मंगलबारको खेलमा लखनउ सुपर जायन्ट्समाथि ८ विकेटको जित दर्ता गर्यो । जितको लागि १ सय ६० रनको चुनौति दिल्लीले १७ ओभर ५ बलमा २ विकेट गुमाउँदै आफ्नो पक्षमा पार्यो । ओपनर करूण नायर १५ रनमा आउट भए […]

Success

Thank you for your time.