default_image

10 months ago

September 27, 2023

भारतलाई अष्ट्रेलियाको विशाल लक्ष्य

6132 views

0 Bookmark

एजेन्सी – स्टिभ स्मिथसहित चार ब्याटरको अर्धशतकमा अष्ट्रेलियाले तेस्रो तथा अन्तिम ओडिआई खेलमा भारतलाई ३ सय ५३ रनको विशाल लक्ष्य दिएको छ । राजकोटमा टस जितेर पहिला ब्याटिङ रोजेको अष्ट्रेलियाले निर्धारित ५० ओभरमा ७ विकेट गुमाउँदै ३ सय ५२ रन बनायो ।

अष्ट्रेलियाका ओपनर मिचेल मार्शले ८४ बलमा १३ चौका ३ छक्कासहित सर्वाधिक ९६ रनको योगदान दिए । उनी स्पिनर कुलदीप यादवको बलमा प्रसिद्ध कृष्णाबाट क्याच आउट भएपछि शतक बनाउन चुकेका थिए ।

ओपनर डेविड वार्नर ३४ बलमा ६ चौका र ४ छक्कासहित ५६ रनमा आउट भए । पहिलो विकेटका लागि वार्नर र मार्शले ८.१ ओभरमा ७८ रनको साझेदारी गरेका थिए । दोस्रो विकेटका लागि मार्श र स्टिभ स्मिथले १ सय ३७ रनको साझेदारी गरेपछि एक समय चार सय रनको सम्भावना देखाएको थियो ।

मार्श आउट हुँदा अष्ट्रेलिया २८ ओभरमा २१५–२ को बलियो अवस्थामा थियो । त्यसपछि स्टिभ स्मिथ ६१ बलमा ८ चौका र १ छक्कासहित ७४ रनमा आउट भए । स्मिथ मोहम्मद शिराजको बलमा एलबीडब्लू आउट भए । त्यसपछि ग्लेन म्याक्सवेल ५, क्यामरन ग्रीन ९ र एलेक्स केरी ११ रनमा आउट भए ।

मार्नस लाबुसेनले ५८ बलमा ९ चौकासहित ७२ रन जोडे । प्याट कमिन्स १९ र मिचेल स्टार्क १ रनमा नटआउट रहे । भारतका तीव्र गतिका बलर जस्प्रित बुमराहले १० ओभरमा ८१ रन खर्चेर ३ विकेट लिए । कुलदीप यादवले ६ ओभरमा ४८ रन खर्चेर २ विकेट लिए । मोहम्मद शिराज र प्रसिद्ध कृष्णाले समान एक विकेट लिए । तीन खेलको सिरिज भारतले एक खेल अगावै जिति सकेको छ ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.