8 months ago
September 29, 2023
एजेन्सी – बंगलादेशले विश्वकप वार्मअप खेलमा श्रीलंकामाथि ७ विकेटको सानदार जित हात पारेको छ । जितको लागि २ सय ६४ रनको विजयी लक्ष्य पछ्याएको बंगलादेशले ४२ ओभरमा ७ विकेट गुमाउँदै पूरा गर्यो । बंगलादेशको जितमा युवा ओपनर तानजिद हसनले ८८ बलमा १० चौका र २ छक्कासहित सर्वाधिक ८४ रनको योगदान दिए ।
अर्का ओपनर लिटन कुमार दास ५६ बलमा १० चौकासहित ६१ रनमा आउट भए । पहिलो विकेटका लागि लिटन दास र तानजिद हसनले २०.४ ओभरमा १ सय ३१ रनको शतकीय साझेदारी गरेका थिए ।
मेहेदी हसन मिराज ६४ बलमा ५ चौका र २ छक्कासहित ६७ रनमा नटआउट रहे । विकेटकिपर मुश्फिकुर रहिम ४३ बलमा २ चौका र १ छक्कासहित ३५ रनमा नटआउट रहे । श्रीलंकाका दुशान हेमान्था, दुनिथ वेलालागे र लाहिरु कुमाराले समान एक विकेट लिए ।
त्यसअघि गुवाहाटीमा टस जितेर पहिला ब्याटिङ रोजेको श्रीलंका ४९.१ ओभरमा २ सय ६३ रनमा अल आउट भएको थियो । श्रीलंकाका ओपनर पाथुम निसांकाले ६४ बलमा ८ चौका र १ छक्कासहित सर्वाधिक ६८ रन बनाए ।
कुशल परेरा २४ बलमा ६ चौकासहित ३४, कुल मेन्डिस २२, चरिथ असलंका र दिमुथ करुणारत्ने समान १८ रनमा आउट भए । धनन्जय डि सिल्भा ७९ बलमा २ चौका र १ छक्कासहित ५५ रनमा आउट भए ।
पहिलो विकेटका लागि कुशल परेरा र पाथुमले १४.४ ओभरमा १ सय ४ रनको शतकीय साझेदारी गर्दै राम्रो सुरुवात दिलाएका थिए । तर त्यसपछि राम्रो साझेदारी हुन सकेन । बंगलादेशका मेहेदी हसनले सर्वाधिक ३ विकेट लिए । तानजिम हसन सकिब, शोरिफुल इस्लाम, नासुम अहमद र मेहेदी हसन मिराजले समान एक विकेट लिए ।
श्रीलंकाले दोस्रो वार्मअप खेल मंगलबार अफगानिस्तानसँग खेल्नेछ । अफगानिस्तान र दक्षिण अफ्रिकाबीचको वार्मअप खेल भने वर्षाको कारण रद्द भएको थियो । बंगलादेशले दोस्रो वार्मअप खेल सोमबार इंग्ल्यान्डसँग खेल्नेछ ।
May 18, 2024
काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]
May 18, 2024
काठमाडौँ (हाम्रो खेलकुद) – नेपाल एपिएफ क्लब अपराजित रहँदै चौथो संस्करणको ललितपुर मेयर्स महिला टि-२० च्याम्पियनसिप २०८१ को उपाधि जितेको छ । शनिवार भएको फाइनलमा सुदुरपश्चिम प्रदेश माथि २ रनको रोमान्चक जित दर्ता गर्दै एपिएफले चौथो संस्करणमा चौथो पटक नै उपाधि जितेको हो । अन्तिम दुई ओभरमा २९ रन चाहिएको अवस्थामा सुदुरकी कविता जोशीले राजमती […]
May 17, 2024
काठमाडौं (हाम्रो खेलकुद) – सुदुरपश्चिम प्रदेश ललितपुर मेयर्स महिला टि-२० च्याम्पियनशिपको फाइनलमा प्रवेश गर्ने दोस्रो टोली बनेको छ । लिग चरणको अन्तिम खेलमा बागमती प्रदेश विरुद्ध १०९ रनको फराकिलो जित दर्ता गर्दै सुदुरपश्चिमले एपिएफ क्लब विरुद्धको उपाधि भिडन्त पक्का गरेको हो । सुदुरपश्चिमले दिएको १५८ रनको विशाल लक्ष्य पछ्याएको बागमती १६.१ ओभरमा ४८ रनमा समेटियो […]
