default_image

8 months ago

September 29, 2023

रविन्द्रको उत्कृष्ट ब्याटिङमा न्युजिल्यान्डको सानदार जित

5572 views

0 Bookmark

एजेन्सी – युवा अलराउन्डर रचिन रविन्द्रको उत्कृष्ट ब्याटिङमा न्युजिल्यान्डले विश्वकप वार्मअप खेलमा पाकिस्तानलाई ५ विकेटले हराएको छ । जितको लागि ३ सय ४६ रनको विशाल विजयी लक्ष्य पछ्याएको न्युजिल्यान्डले ४३.४ ओभरमा ५ विकेट गुमाउँदै पूरा गर्यो ।

न्युजिल्यान्डको जितमा ओपनर रचिन रविन्द्रले ७२ बलमा १६ चौका र १ छक्कासहित सर्वाधिक ९७ रनको योगदान दिए । अघा सलमानको बलमा बोल्ड भएपछि उनी शतकबाट चुकेका थिए । अर्का ओपनर डेभन कन्वे भने शून्यमै आउट भएका थिए ।

तर दोस्रो विकेटका लागि केन विलियम्सन र रविन्द्रले १ सय ७९ रनको सानदार शतकीय साझेदारी गर्दै जितको आधार तय गरेका थिए । यसै वर्षको सुरुवातमा आइपिएलको पहिलो खेलमै घाइते भएपछि विलियम्सन पहिलो पटक मैदान फर्किएका हुन् । गुजरात टाइटन्सबाट चेन्नई सुपर किंग्सविरुद्ध फिल्डिङ गर्नेक्रममा उनी घाइते भएका थिए ।

विलियम्सन ५० बलमा ८ चौकासहित ५४ रनमा रिटायर्ड भए । डर्याल मिचेल पनि ५७ बलमा ३ चौका र २ छक्कासहित ५९ रनमा रिटायर्ड भए ।

युवा ब्याटर मार्क च्यापम्यान ४१ बलमा ६ चौका र ३ छक्कासहित ६५ रनको अविजित इनिङ खेल्दै खेल सकाए । जेम्श निसमले २१ बलमा ३ चौका र २ छक्कासहित ३३ रन बनाए ।

पाकिस्तानका स्पिनर उस्मान मिरले १० ओभरमा ६८ रन खर्चेर २ विकेट लिए । हसन अली, अघा सलमान र मोहम्मद वासिमले समान एक विकेट लिए ।

त्यसअघि राजिव गान्धी इन्टरनेल स्टेडियम हैदराबादमा टस जितेर पहिला ब्याटिङ रोजेको पाकिस्तानले निर्धारित ५० ओभरमा ५ विकेट गुमाउँदै ३ सय ४५ रन बनाएको थियो ।

पाकिस्तानका विकेटकिपर मोहम्मद रिजवानले ९४ बलमा ५ चौका र ४ छक्कासहित १ सय ३ रनको शतकीय इनिङ खेलेपनि जितको लागि पर्याप्त हुन सकेन । कप्तान बाबर आजम ८४ बलमा ८ चौका र २ छक्कासहित ८० रनमा आउट भएका थिए ।

साउद सकिल ५३ बलमा ५ चौका र ४ छक्कासहित ७५ रनमा आउट भए । ओपनर अब्दुल्लाह शफिक १४ र इमाम उल हक १ रनमा आउट भएका थिए । शादब खान ११ बलमा २ छक्कासहित १६ रनमा आउट भए । सलमान २३ बलमा ३ चौका र १ छक्कासहित ३३ रनमा नटआउट रहेका थिए ।

न्युजिल्यान्डका मिचेल सान्टनारले ८ ओभरमा ३९ रन खर्चेर २ विकेट लिएका थिए । लोकी फर्गुसन, म्याट हेनरी र जेम्श निसमको नाममा समान एक विकेट रह्यो । पाकिस्तानले दोस्रो वार्मअप खेल मंगलबार अष्ट्रेलियासँग खेल्नेछ । न्युजिल्यान्डले दोस्रो वार्मअप खेल सोमबार दक्षिण अफ्रिकासँग खेल्नेछ ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.