2 years ago
October 2, 2023
हाङ्गचौं (हाम्रो खेलकुद) – नेपालले चीनमा जारी १९ औं एसियाली खेलकुद (एसियाड) अन्तर्गत क्रिकेटको पहिलो क्वाटरफाइनल खेलमा मंगलबार बिहान भारतसँग खेल्दैछ । खेल नेपाली समय अनुसार बिहान ६ : ४५ मा झेजिङ युनिर्भसिटी अफ टेक्नोलोजी क्रिकेट फिल्डमा सुरु हुनेछ ।

भारत सिधैं क्वाटरफाइनल खेलेको हो । नेपालले समूह ए मा मंगोसियालाई २ सय ७३ र माल्दिभ्सलाई १ सय ३८ रनले हराउँदै क्वाटरफाइनलमा स्थान बनाएको थियो । स्वर्णको प्रमुख दाबेदार भारतविरुद्ध नेपालले आफ्नो उत्कृष्ट प्लेइङ–११ मैदान उतार्ने अनुमान गरिएको छ । नेपालले कुनै जोखिम लिने छैन ।
माल्दिभ्ससँगको खेलबाट नेपालले टोलीमा एक परिवर्तन गर्ने पक्काछ । माल्दिभ्सविरुद्ध नेपालका तीव्र गतिका बलर करण केसीलाई विश्राम दिएको थियो । विकेटकिपर विनोद भण्डारीले उनको स्थानमा खेल्ने मौका पाएका थिए ।
नेपालले करणलाई प्लेइङ ११ मा फर्काउने पक्काछ । करण तीव्र गतिका नेपालबाट टि२० आई सर्वाधिक विकेट लिने बलर हुन् । टि२० आईमा ह्याट्रिक लिने एक्लो नेपाली खेलाडी करणले सानदार प्रदर्शन गर्दै आएका छन् । अनुभवी करणले नयाँ बलका साथ लगातार उत्कृष्ट प्रदर्शन गर्दै आएका छन् ।

एसिया कपमा भारतविरुद्ध पहिलो ओभरमा रोहित शर्मालाई लगातार डट र इनस्वींगका साथ दबाबमा राखेका थिए । करण टोलीमा फर्किदा विनोद भण्डारी र सन्दीप जोरा मध्य एकलाई बेन्चमा राख्नुपर्ने हुन्छ । विनोदले माल्दिभ्सविरुद्ध १५ बलमा १३ र सन्दीप जोराले ९ बलमा ५ रन बनाएका थिए ।
नेपालले सन्दीप जोरालाई पहिलो खेलमा पनि खेलाएको थियो । त्यसैले विनोद भण्डारीलाई नै बेन्चमा राख्न सक्छ । माल्दिभ्सविरुद्ध विनोदलाई तेस्रो नम्बरमा खेलाएको थियो । तर भारतविरुद्ध कुशल मल्लले उक्त नम्बरमा फर्किनेछन् ।
गुलशन झालाई नेपालले ब्याटिङ अलराउन्डरको रुपमा खेलाउँदै आएको छ । उनीबाट तल्लोक्रममा नेपालले ठूला सर्टको आशा राख्दै आएको छ ।
पिच स्पिनर सहयोगी भएको खण्डमा भने गुलशनको स्थानमा सागर ढकाललाई हेर्न सक्छ । तर त्यो सम्भावना निकै कम देखिन्छ । स्पिनरमा सन्दीप लामिछाने प्रमुख बलर हुन् । दीपेन्द्र सिंह ऐरीले अर्को एण्डबाट सन्दीपलाई साथ दिनेछन् । पार्टटाइममा कुशल मल्ल, कुशल भुर्तेल र रोहित आफैंपनि आउन सक्छन् ।

टोलीमा अन्य खेलाडी कुनै परिवर्तन गर्ने छैन । ओपनरमा आसिफ शेख र कुशल भुर्तेल हुने छन् । एसिया कपमा यी दुई अोपनरले भारतविरुद्ध पावर प्लेमा ६५ रन बनाएका थिए ।
नेपाल ओपनरबाट राम्रो सुरुवात चाहन्छ । कुशल मल्लले मंगोसियाविरुद्ध ५० बलमा १ सय ३७ रनको कीर्तिमानी इनिङ खेलेका थिए ।
रोहित शर्मा र डेविड मिलरको कीर्तिमान तोड्दै ३४ बलमै शतक हानेका मल्ल लयमा छन् । माल्दिभ्सविरुद्ध कुशलले २० बलमा समान ३ चौका र छक्काका साथ ४७ रन बनाएका थिए । कुशल तेस्रो नम्बरमा खेल्नेछन् । उनीबाट विष्फोटक ब्याटिङ निरन्तरता नेपाल चाहन्छ ।
कप्तान रोहित पौडेल चौथो नम्बरमा खेल्नेछन् । रोहितले मंगोसियाविरुद्ध ६१ र माल्दिभ्सविरुद्ध ५२ रन बनाएका थिए । रोहितबाट कप्तानी इनिङ खेल्नेछ । पाँचौं नम्बरमा दीपेन्द्रलाई खेलाउनेछ ।

दीपेन्द्रले मंगोलियाविरुद्ध ९ बलमै अर्धशतक हानेका थिए । क्रिकेट इतिहासकै सर्वाधिक छिटो अर्धशतक थियो । दीपेन्द्रले केहि महिना अघि ग्लोबल टि२० क्यानडा खेलेको हुँदा मनोबल उच्च हुनेछ । दीपेन्द्रबाट नेपाल धेरै आशा राख्नेछ ।
त्यसपछि नेपालको अवस्था अनुसार ब्याटिङमा खेलाडी आउनेछन् । एकदमै राम्रो अवस्थामा भएमा करण केसी आएर विष्फोटक अन्त्य गर्न खोज्नेछन् । कमजोर अवस्थामा भएको खण्डमा सोमपाल कामी, सन्दीप जोरा, गुलशन झा हुँदै करण खेल्नेछन् ।
सबै खेलाडी राम्रो ब्याटिङको क्षमता राख्छन् । करणको प्रदर्शन महत्वपूर्ण हुनेछ । सन्दीप लामिछाने र अभिनाश बोहरा १० औं र ११ औं नम्बरमा हुनेछन् । अभिनाश नेपालका टि२० विशेष खेलाडी हुन् । माल्दिभ्सविरुद्ध ६ विकेट लिएका थिए । योर्करका लागि माहिर अभिनाशबाट भारतविरुद्ध नेपाल उत्कृष्ट प्रदर्शन चाहन्छ ।

करण, सोमपाल र अभिनाश प्रमुख तीव्र गतिका बलर हुन् । गुलशन पार्टटाइमको रुपमा हुनेछन् । सन्दीप प्रमुख स्पिनर हुन् । दीपेन्द्र र कुशल मल्लले साथ दिनेछन् । नेपालको टोलीमा नौं नम्बर सम्म ब्याटिङ गर्ने खेलाडी छन् । ब्याटिङ नेपालको हतियार बनाउनु पर्ने हुन्छ ।
नेपालको सम्भावित प्लेइङ-११
आसिफ शेख (विकेटकिपर), कुशल भुर्तेल, कुशल मल्ल, रोहित पौडेल (कप्तान), दीपेन्द्रसिंह ऐरी, सन्दीप जोरा, गुलशन झा, करण केसी, सोमपाल कामी, सन्दीप लामिछाने र अभिनाश बोहरा ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]