हाङ्गचौं (हाम्रो खेलकुद) – भारतीय बायाँ हाते युवा ब्याटर यशस्वी जैसवालले १९ औं एसियाली खेलकुद (एसियाड) को क्वाटरफाइनल खेलमा नेपालविरुद्ध आक्रामक अर्धशतक प्रहार गरेका छन् । जैसवालले २२ बलमा आफ्नो टि२० आई करिअरको दोस्रो अर्धशतक प्रहार गरेका छन् ।

झेजिङ युनिर्भसिटी कलेज अफ टेक्नोलोजी फिल्डमा टस जितेर पहिला ब्याटिङ थालेको भारतले ८ ओभरमा कुनै विकेट नगुमाई ८४ रन बनाएको छ । जैसवाल ३१ बलमा ५ चौका र ५ छक्कासहित ६५ रनमा क्रिजमा छन् ।

ऋतुराज गायकवाड १७ बलमा २ चौकासहित १४ रनमा क्रिजमा छन् । करणले २ ओभरमा २३ रन खर्चेका छन् । सन्दीपले १ ओभरमा १३ रन खर्चेका छन् । सोमपाल कामीले २ ओभरमा २२ रन खर्चेका छन् । अभिनाशले १ ओभरमा ७ रन खर्चेका छन् । दीपेन्द्रले २ ओभरमा १६ रन खर्चेका छन् ।

नेपालको प्लेइङ-११

आसिफ शेख (विकेटकिपर), कुशल भुर्तेल, कुशल मल्ल, रोहित पौडेल (कप्तान), दीपेन्द्रसिंह ऐरी, सन्दीप जोरा, गुलशन झा, करण केसी, सोमपाल कामी, सन्दीप लामिछाने र अभिनाश बोहरा ।

भारतको प्लेइङ ११ –
ऋतुराज गायकवाड(कप्तान), यशस्वी जैसवाल, तिलक बर्मा, शिवम दुबे, रिंकु सिंह,जितेश शर्मा, वासिन्टन सुन्दर, साई किशोर, रवि विश्रोई, आवेश खान र अर्शदीप सिंह ।