काठमाडौं (हाम्रो खेलकुद) – नेपाली क्रिकेट टोलीका स्पिनर सन्दीप लामिछानेले १९ औं एसियाली खेलकुद(एसियाड) को क्वाटरफाइनल खेलमा भारतविरुद्ध २० रन बढी खर्चिएको बताएका छन् । नेपाल भारतसँग २३ रनले पराजित हुँदै बाहिरिएपछि सन्दीपले उक्त प्रतिक्रिया दिएका हुन् ।

‘नेपाली क्रिकेटको लागि यो एकदमै सकरात्मक पक्ष हो । हामीले खेल हारेपनि धेरै सकरात्मक पक्ष पाएका छौं । आगमी दिनमा टि२० विश्वकप छनोट आउँदैछ । भारतको कमजोर टोली होइन । वहाँहरुको धेरै खेलाडीले भारतबाट प्रतिनिधित्व गरि सक्नु भएको छ । सबैले आइपिएल खेलेका छन् । क्वालिफायर अघि सबै जनाको लागि राम्रो आत्माविश्वास हुनेछ’, सन्दीपले भने ।

जितको लागि २ सय ३ रनको विशाल विजयी लक्ष्य पछ्याएको नेपालले २० ओभरमा ९ विकेट गुमाउँदै १ सय ७९ रन बनायो । सन्दीप नेपाललाई २० रन जति अली धेरै नै भएको बताउछन् ।

‘२० रन जति अली धेरै नै भएको थियो । मैदान पनि सानो थियो । धेरै कुरा कन्ट्रोलमा गर्न सकिदैन । राम्रो बलमा पनि रन लागेको हुन्छ । राम्रो यात्रा रह्यो’, उनले भने ।

‘हामीले हाम्रो तर्फबाट राम्रो गर्न खोजेको हो । हामीले राम्रो गरेका पनि थियौं । त्यसमा अनुभवको कुरा हो । हामीले खेलेका छौं । तर वहाँहरुले हामीले भन्दा शीर्षस्तरको क्रिकेट खेल्नु हुन्छ । त्यहिँ मात्रै एउटा फरक हो । अवस्थालाई छिट्टै बुझेको पनि देखिन्छ’, उनले भने ।

सन्दीपको पूरा भिडियो हेर्नुहोस्