काठमाडौँं (हाम्रो खेलकुद) – तेस्रो संस्करणको रिचा मेमोरियल एक्स्पर्ट सगरमाथा लिग अर्को सातादेखी अष्ट्रेलियामा सुरु हुने भएकोछ । मेलबर्नमा हुने उक्त प्रतियोगिता आगमी आइतबार देखी सुरु हुनेछ । प्रतियोगिता विजेताले ४ लाख ६६ हजार नेपाली रुपैयाँ (३५ सय डलर) प्राप्त गर्नेछन् ।

प्रतियोगितामा नेपाली समुदायका १२ टोलीबीच प्रतिस्पर्धा हुनेछ । आयोजक एक्स्पर्ट सगरमाथा ब्लूजले प्रतियोगिता बारे जानकारी दिएको छ । लिगमा हुने प्रतियोगिता आगमी डिसेम्बर १७ सम्म चल्नेछ । प्रतियोगिता खेलहरु यसअघिका संस्करणमा जस्तै हरेक हप्ताको आइतबार मात्रै हुनेछ ।

प्रतियोगिता मुख्य प्रायोजकमा एक्स्पर्ट एजुकेसन भिसा रहेको छ । त्यस्तै बेरिंग्टन कलेज संचालित (पावरएड) को रुपमा रहेका छन् ।

स्वर्गीग रिचा श्रेष्ठको स्मृतिमा उक्त प्रतियोगिता आयोजना हुँदै आएको छ । नेपाल क्रिकेट संघ (क्यान) का स्वर्गीय उपाध्यक्ष नरेश श्रेष्ठकी छोरी रिचाको ब्लड क्यान्सरका कारण तीन वर्ष अघि अष्ट्रेलियामा मृत्यु भएको थियो ।

उनकै नाममा उक्त प्रतियोगिता आयोजना हुँदै आएका छन् । नेपाली टोलीबाट खेलि सकेका पूर्व अलराउन्डर युनिल र मञ्जित मिलेर गत चौतमा विराटनगरमा इन्डो–नेपाल टि–२० क्रिकेट प्रतियोगिता समेत आयोजना गरेका थिए ।

दुई महिनाअघि नरेश श्रेष्ठको काठमाडौंको टिचिङ अस्पतालमा ७६ वर्षको उमेरमा उपचारको क्रममा निधन भएको थियो ।