default_image

2 months ago

October 4, 2023

विश्वकप २०२३ मा सर्वाधिक रन बनाउन सक्ने पाँच ब्याटर

एजेन्सी – १३ औं संस्करणको विश्वकप क्रिकेट बिहीबार देखी भारतमा सुरु हुँदैछ । १० सहभागी प्रतियोगिता सिंगल राउन्ड रोबिनको आधारमा हुनेछ । विश्वकप कुनैपनि खेलाडीले खेल्ने सबैभन्दा ठूलो प्रतियोगिता हो । हरेक खेलाडीको सपना आफ्नो देशबाट विश्वकप खेल्ने हुन्छ । प्रमुख देशका खेलाडीको मुख्य उदेश्य आफ्नो उत्कृष्ट प्रदर्शनमा उपाधि हुनेछ । कुनैपनि खेलाडीको प्रदर्शन खेल […]

4508 views

0 Bookmark

एजेन्सी – १३ औं संस्करणको विश्वकप क्रिकेट बिहीबार देखी भारतमा सुरु हुँदैछ । १० सहभागी प्रतियोगिता सिंगल राउन्ड रोबिनको आधारमा हुनेछ । विश्वकप कुनैपनि खेलाडीले खेल्ने सबैभन्दा ठूलो प्रतियोगिता हो । हरेक खेलाडीको सपना आफ्नो देशबाट विश्वकप खेल्ने हुन्छ ।

प्रमुख देशका खेलाडीको मुख्य उदेश्य आफ्नो उत्कृष्ट प्रदर्शनमा उपाधि हुनेछ । कुनैपनि खेलाडीको प्रदर्शन खेल मैदान र कन्डिसनले पनि फरक पार्छ । भारतमा रन बनाउन ब्याटरले स्पिन राम्रो खेल्नुपर्ने हुन्छ । स्पिन राम्रो खेल्न नसक्ने ब्याटरलाई भारतमा रन बनाउन सहज हुँदैन ।

महान् खेलाडीहरु कन्डिसन अनुसार रन बनाउने गर्दछन् । सर्वाधिक रन बनाउन शीर्षक्रम र वा शीर्ष पाँचमा ब्याटिङ गर्ने हुनुपर्छ । तल्लोक्रममा ब्याटिङ गरेर विशाल इनिङ खेल्ने सम्भावना कम देखिन्छ । विश्वकप खेल्ने २०२३ का सबै टोलीमा भएका खेलाडी र उनीहरुको लय हेर्दा सर्वाधिक रन बनाउन सक्ने पाँच दाबेदार यस प्रकार छन् ।

५. कुशल मेन्डस (श्रीलंका)

श्रीलंकाका युवा ब्याटर कुशल मेन्डिस राम्रो लयमा छन् । अघिल्लो महिना श्रीलंकालाई एसिया कपको फाइनलमा पुर्याउन उनको प्रदर्शन महत्वपूर्ण थियो । श्रीलंकाका उपकप्तान मेन्डिस टोलीका प्रमुख ब्याटर हुन् । तेस्रो नम्बरमा ब्याटिङ गर्ने उनी आक्रामक ब्याटिङका लागि चिनिन्छन् ।

विश्वकप वार्मअप खेलमा अफगानिस्तानविरुद्ध ८७ बलमा १९ चौका र ९ छक्कासहित १ सय ५८ रनको सानदार शतकीय इनिङ खेल्दै रिटायर्ड आउट भएका थिए ।

यस विश्वकपमा मेन्डिस सर्वाधिक रन बनाउन सक्ने ब्याटरको रुपमा हेरिएको छ । २८ वर्षीय उनले १ सय १२ ओडिआई खेलमा २ शतक र २५ अर्धशतकसहित कुल ३ हजार २ सय १५ रन बनाएका छन् । श्रीलंकाका अधिकाम्स मैदान स्पिनर सहयोगी हुँदा भारतमा उनले राम्रो प्रदर्शन गर्ने अनुमान गरिएको छ ।

४. क्विन्टन डि कक (दक्षिण अफ्रिका)

दक्षिण अफ्रिका बायाँ हाते ओपनर क्विन्टन डिककले विश्वकपपछि ओडिआई क्रिकेट खेल्ने छैनन् । उनी विश्वकप जित्दै ओडिआईबाट सन्न्यास लिन चाहन्छन् । डिकक राम्रो लयमा पनि छन् । ३० वर्षकै उमेरमा अप्रत्याशित रुपमा ओडिआई छाड्ने निर्णय लिएका डिकक दक्षिण अफ्रिका प्रमुख ब्याटर समेत हुन् ।

डिककले १ सय ४५ ओडिआईमा १७ शतक र ३० अर्धशतकसहित कुल ६ हजार १ सय ७६ रन बनाएका छन् । अर्कोतर्फ डि ककलाई भारतीय कन्डिसनबारे राम्रोसँग थाहा छ । उनले २०१३ देखी आइपिएल खेल्दै आएका छन् । भारतीय सबै मैदान र कन्डिसनको बारे राम्रोसँग जानकारी छ । त्यसैले यस विश्वकपमा सर्वाधिक रन बनाउन सक्छन् ।

३. शुभमन गिल (भारत)

भारतीय युवा ब्याटर शुभमन गिलले घरेलु मैदानमा लगातार सानदार प्रदर्शन गर्दै आएका छन् । गिल २०२३ ओडिआईमा सर्वाधिक रन बनाउने ब्याटर हुन् ।

उनले २०२३ ओडिआईमा २० खेलमा ५ शतक र ५ अर्धशतकसहित कुल १२ सय ३० रन बनाएका छन् । जसमा न्युजिल्यान्डविरुद्ध २ सय ८ रनको दोहोरो शतक पनि सामेल छ । गिल घरेलु मैदान हुँदा थप आत्माविश्वासी हुनेछन् ।

उच्च लयमा रहेका गिललाई रोक्न सबै टोलीलाई कठिन पर्ने देखिन्छ । घरेलु मैदान र दर्शकको साथसँगै उच्च लयको कारण विश्वकपमा सर्वाधिक रन बनाउन सक्छन् ।

२. स्टिभ स्मिथ (अष्ट्रेलिया)

अष्ट्रेलिया उपकप्तान स्टिभ स्मिथ बिग म्याच प्लेयर हुन् । वर्तमान विश्व क्रिकेटका एक उत्कृष्ट ब्याटर स्मिथले विश्वकपमा लगातार राम्रो प्रदर्शन गर्दै आएका छन् । स्मिथले २०१५ को विश्वकपमा अष्ट्रेलियालाई च्याम्पियन बनाउन ८ खेलमा ४ सय २ रन बनाएका थिए ।

सेमिफाइनलमा भारतविरुद्ध ९३ बलमा ११ चौका र २ छक्कासहित १ सय ५ रनको शतकीय इनिङ खेलेका थिए । २०१९ को विश्वकपमा स्मिथले १० खेलमा ३ सय ७९ रन बनाएका थिए ।

स्मिथ पछिल्लो समय राम्रो लयमा पनि छन् । अर्कोतर्फ स्पिन पनि त्यतिनै राम्रो खेल्छन् । स्मिथले १ सय ४५ ओडिआईमा १२ शतक र ३० अर्धशतकसहित ५ हजार ५४ रन बनाएका छन् । दबाबमा झन् राम्रो प्रदर्शन गर्ने हुँदा स्मिथ २०२३ को विश्वकपमा सर्वाधिक रन बनाउने दाबेदार खेलाडी हुन् ।

१. बाबर आजम (पाकिस्तान)

पाकिस्तानका कप्तान बाबर आजम २०२३ को विश्वकपमा सर्वाधिक रन बनाउन सक्ने ब्याटरमा पर्दछन् । बाबर कभर ड्राइभको लागि विश्वका चर्चित ब्याटर हुन् । आइसिसी ओडिआई वरियता नम्बर वान ब्याटर बाबरले अन्तर्राष्ट्रिय क्रिकेटमा लगातार सानदार प्रदर्शन गर्दै आएका छन् ।

पाकिस्तानको ब्याटिङ बाबर आजममा निर्भर छ । उनले अतिरिक्त जिम्मेवारी लिएर प्रदर्शन गर्नुपर्ने हुन्छ । बाबरले १ सय ८ ओडिआईमा १९ शतक र २८ अर्धशतकसहित कुल ५ हजार ४ सय ९ रन बनाई सकेका छन् ।

भारत र पाकिस्तानको कन्डिसन पनि मिल्दोजुल्दो छ । टोलीमा अन्य भरपर्दा ब्याटर नहुँदा हरेक खेलमा उनलाई ठूलो इनिङको दबाब पर्दछ । वर्तमान विश्व क्रिकेटका ब्याटिङका बादशाह मानिने बाबर यस विश्वकपमा सर्वाधिक रन बनाउने ब्याटरका दाबेदार खेलाडी हुन् ।

December 9, 2023

राजालाई दुई खेल प्रतिबन्ध

एजेन्सी – जिम्बावेका कप्तान सिकन्दर राजालाई आगामी दुई अन्तर्राष्ट्रिय खेलमा प्रतिबन्ध लाग्ने भएको छ । आयरल्यान्डसँगको पहिलो टि२० आई खेलमा कर्टिस क्याम्फर र जोशुवा लिटिलसँग राजाले ब्याटिङ गर्नेक्रममा झगडा गरेका थिए । क्याम्फरलाई राजाले ब्याटले नै हान्न खोजेका थिए । त्यसको कारण राजालाई आइसिसीले कारबाही स्वरुप ५० प्रतिशत म्याच फि र २ डेमेरिट प्वाइन्ट अंक […]

December 8, 2023

राजबिराज च्याम्पसलाई उपाधि, विवेककी बहिनी साक्षी सर्वोत्कृष्ट

काठमाडौं (हाम्रो खेलकुद) – जिल्ला स्तरीय महिला क्रिकेट छनोट प्रतियोगिताको उपाधी राजबिराज च्याम्पसले खडक क्विनलाई ६ विकेटले पराजित गर्दै जितेको छ । टस हारेर ब्याटिङको निम्तो पाएको खडकले निर्धारित २० ओभरको खेलमा ७ विकेट गुमाउँदै ९५ रन बनाएको थियो । खडकका लागि मन्जु रामले १५ रनको योगदान दिइन् । राजबिराजका साक्षी यादवले ४ ओभरमा १७ […]

December 8, 2023

नमुना मैदानमा चार टोलीबीच भिजिट भरतपुर टि२० सिरिज हुने

काठमाडौं (हाम्रो खेलकुद) – चितवन जिल्ला क्रिकेट संघको आयोजनामा चार जिल्ला सम्मिलित भिजिट भरतपुर २०२४ टि२० क्रिकेट सिरिज हुने भएको छ। जिल्ला क्रिकेट संघ चितवनले नारायणगढमा पत्रकार सम्मेलन गरी निर्माणाधिन गौतम बुद्ध अन्तर्राष्ट्रिय क्रिकेट रंगशालाको नमुना मैदानमा मंसिर २४ देखी २७ गतेसम्म प्रतियोगिता आयोजना गर्ने जानकारी दिएको हो । प्रतियोगितामा चितवन, नवलपुर, मकवानपुर र पर्सा […]

Success

Thank you for your time.