10 months ago
October 5, 2023
काठमाडौं (हाम्रो खेलकुद) – विश्व कीर्तिमानी प्रदर्शन गरेसँगै नेपाली क्रिकेट टोलीका अलराउन्डर दीपेन्द्रसिंह ऐरीलाई नेपाल प्रहरीले बढुवा गरेको छ । नेपाल प्रहरी महानिरिक्षक बसन्त कुँवरले केन्द्रिय कार्यलय नक्सालमा बिहीकार एक कार्यक्रमकाबीच दीपेन्द्रलाई जवान पदबाट सहायक हवल्दार पदमा बढुवा गराएका छन् ।
नेपालको नाम विश्वमै उच्च पारेको कारण नेपाल प्रहरीले उनलाई विशेष बढुवा गरेको जनाएको छ । अघिल्लो साता चीनमा जारी १९ औं एसियाली खेलकुद (एसियाड) मा मंगोलियाविरुद्ध ९ बलमै अर्धशतक बनाउँदै दुर्लभ विश्व कीर्तिमान बनाएपछि दीपेन्द्र बढुवा भएका हुन् ।
दीपेन्द्र क्रिकेट इतिहासमा सबैभन्दा छिटो बलमा अर्धशतक बनाउने ब्याटर हुन् । उनले भारतीय पूर्व ब्याटर युवराज सिंहको १२ बलको अर्धशतकको कीर्तिमान तोडेका हुन् । त्यस्तै दीपेन्द्र ६ बलमा ६ छक्का प्रहार गर्ने पहिलो नेपाली खेलाडी पनि बनेका थिए । दीपेन्द्रले ९ बलमा ८ छक्कासहित अर्धशतक पूरा गरेका थिए ।
दीपेन्द्रको उक्त कीर्तिमान अव तोडिने पनि छैन । अर्धशतक बनाउन कम्तिमा ९ बल खेलेको हुनुपर्छ । अव उक्त कीर्तिमान बराबरी मात्रै हुनसक्छ । क्रिकेट इतिहासकै अविश्वसनीय विश्व कीर्तिमान उनले बनाएका हुन् ।
दीपेन्द्र २०१६ मा नेपाल प्रहरीमा भर्ना भएका थिए । बंगलादेशमा यू१९ विश्वकपमा सानदार प्रदर्शन गरेसँगै पुलिसले दीपेन्द्र, कुशल भुर्तेल, सुनिल धमला, योगेन्द्र सिंह कार्की, प्रेम तामाङ लगायतका केहि युवा खेलाडीलाई टोलीमा समेटेको थियो । गतवर्ष देखी दीपेन्द्रले पुलिसको कप्तानी गर्दै आएका छन् । मञ्जित श्रेष्ठले सन्न्यास लिएपछि दीपेन्द्रले कप्तानी सम्हाल्लेका हुन् ।
पहिलो कप्तानीमै गतवर्ष भदौंमा नवौं राष्ट्रिय खेलकुदमा दीपेन्द्र पुलिसलाई स्वर्ण पदक जिताएका थिए । दीपेन्द्रले पुलिस र नेपाली टोली दुबैबाट सानदार प्रदर्शन गर्दै आएका छन् ।
२०१९ देखी २०२१ सम्म दीपेन्द्र नेपाल क्रिकेट टोलीका उपकप्तान समेत थिए । दीपेन्द्र नेपालका थ्री डि क्रिकेटर हुन् । उनले ब्याटिङ, बलिङ र फिल्डिङ तीनै क्षेत्रमा सानदार प्रदर्शन गर्दै आएका छन् । नेपालका प्रमुख अलराउन्डर दीपेन्द्रले ५२ ओडिआई र ४७ टि२० आई खेल खेलेका छन् ।
दीपेन्द्रले २०१७ मा केन्याविरुद्ध टियु क्रिकेट मैदानमा नेपालका लागि डेब्यू गरेका थिए । त्यसपछि दीपेन्द्र नेपाली टोलीबाट सधैं पहिलो रोजाईमा खेल्दै आएका छन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]