default_image

8 months ago

October 6, 2023

पाकिस्तानलाई सरप्राइज दिने सोचमा नेदरल्यान्ड्स

1277 views

0 Bookmark

एजेन्सी – आइसिसी विश्वकप २०२३ को दोस्रो खेलमा आज पाकिस्तान र नेदरल्यान्ड्सबीच प्रतिस्पर्धा हुँदैछ । खेल नेपाली समय अनुसार दिउँसो २ : १५ मा हैदराबादमा सुरुहुनेछ । दुबै टोली विजयी सुरुवात गर्न चाहन्छन् ।

पाकिस्तानको बाबर आजम र नेदरल्यान्ड्सको स्कट एडवार्डसले कप्तानी गर्नेछन् । दुबै खेलाडी टोलीका प्रमुख ब्याटर हुन् । वर्तमान ओडिआई वरियताका नम्बर वान ब्याटर बाबर आजमको प्रदर्शनले पाकिस्तानको प्रदर्शनमा धेरै फरक पार्नेछ । स्कट मध्यक्रमका प्रमुख ब्याटर हुन् । उनको कप्तानी अझ उत्कृष्ट रहँदै आएको छ ।

स्कटको उत्कृष्ट कप्तानीमा नेदरल्यान्ड्सले गत जुलाईमा आइसिसी विश्वकप छनोटमा जिम्बावे, वेस्टइन्डिज र आयरल्यान्डलाई हराउँदै विश्वकपमा स्थान बनाएको हो । वेस्टइन्डिजलाई सुपर ओभरमा हराउन ३ सय ७५ रनको विशाल लक्ष्य बराबरी गरेको थियो ।

नेदरल्यान्ड्सको मनोबल उच्च छ । नेदरल्यान्ड्सलाई गुमाउनु केहि छैन । त्यसैले थप खुलेर खेल्न सक्छ । पाकिस्तानलाई सरप्राइज दिन चाहन्छ । नेदरल्यान्ड्सले आफ्नो लक्ष्य सेमिफाइनल बताउँदै आएको छ । बास डि लिड टोलीका प्रमुख हतियार हुन् । ब्याटिङ र बलिङ दुबैबाट सानदार प्रदर्शन गर्दै टोलीको जित सहज बनाउन सक्छन् ।

बास डि लिड

नेदरल्यान्ड्सका टोलीमा अधिकाम्स खेलाडी लगातार काउन्टी खेल्दै आएका छन् । त्यसैको कारण नेदरल्यान्ड्स मजबुत छ ।
कोलिन एकरम्यान नेदरल्यान्ड्सका अर्का भरपर्दा ब्याटर हुन् ।

काउन्टीबाट निखारिएर आएका उनलाई रोक्न कठिन पर्न सक्छ । ओपनर म्याक्स ओडाउड, विक्रमजित सिंह, तेजा निडामानुरु, बास डि लिड, स्कट एडवार्ड्स र कोलिन एकरम्यान जस्ता भरपर्दा ब्याटर छन् । तल्लोक्रममा लोगन भान बिक पनि त्यतिनै राम्रो ब्याटिङ गर्ने गर्दछन् ।

नेदरल्यान्ड्सको बलिङ आक्रामण पनि मजबुत छ । लोगन भान बिक, पल भान मार्केन र रयान केलिन तीव्र गतिका बलर हुन् । उनलाई बास डि लिडले साथ दिनेछन् । स्पिनरमा शरिज अहमद र सकिब जुलफिकर स्पिन अलराउन्डर हुन् ।

यता पाकिस्तानको ब्याटिङ बाबर, मोहम्मद रिजवान र इफ्तिखर अहमदमा बढी निर्भरछ । यी तीन ब्याटरको प्रदर्शनले योगफल निर्धारण गर्नेछ । ओपनर फखार जमान र इमाम उल हकबाट पाकिस्तान राम्रो प्रदर्शन चाहन्छ । तल्लोक्रममा सादब खान र मोहम्मद नवाज हुनेछन् ।

पाकिस्तानको मुख्य हतियार तीव्र गतिको बलर आक्रामण हो । तीव्र गतिका बलरमा हरिस रौफ, शाहिन शाह अफ्रिदी र मोहम्मद वासिम जुनियर हुनेछन् । रौफ र अफ्रिदीको गति खेल्न नेदरल्यान्ड्सका ब्याटरलाई सहज हुनेछैन ।

हेड टु हेड :

नेदरल्यान्ड्स र पाकिस्तानबीच कुल ६ खेल भएका छन् । सबै खेलमा पाकिस्तान विजयी भएको छ ।

नेदरल्यान्ड्सको विश्वकप खेल्ने टोली :

स्कट एडवार्ड्स (कप्तान), म्याक्स ओडाउड, बास डि लिडे, विक्रम सिंह, तेजा निडामानिरु, पाउल भान माक्रेन, कोलिन एकरम्यान, रोलेफ भान डर मर्वे, लोगन भान बीक, अर्यान दत्त, रयान केलिन, वेस्ली ब्यारेसी, सकिब जुलफिकर, शरिफ अहमद र साइब्रान्ड एंगेलब्रेक्च ।

पाकिस्तानको टोली :

फखार जमान, इमाम उल हक, अब्दुल्लाह शफिक, बाबर आजम (कप्तान), मोहम्मद रिजवान, साउद सकिल, इफ्तिखर अहमद, अघा सलमान, मोहम्मद नवाज, शादब खान, उस्मा मिर, शाहिन शाह अफ्रिदी, हरिस रौफ, मोहम्मद वासिम जुनियर र हसन अली ।

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

May 18, 2024

तेस्रो अभ्यास खेलमा नेपाल टस हारेर फिल्डिङ गर्दै

काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]

Success

Thank you for your time.