default_image

8 months ago

October 6, 2023

जैसवाललाई गरेको सरप्राइज बल बारे यस्तो भन्छन् करण

23966 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका तीव्र गतिका बलर करण केसीले १९ औं एसियाली खेलकुद (एसियाड) मा भारतविरुद्ध ओपनर यशवस्वी जैसवाललाई सरप्राइज बल गरेका थिए । झेजिङमा टस जितेर पहिला ब्याटिङ रोजेको भारतलाई ओपनर जैसवालले आक्रामक सुरुवात दिलाएका थिए ।

आठौं ओभरमा करण केसीलाई दोस्रो र तेस्रो बलमा जैसवालले लगातार दुई चौका प्रहार गरेका थिए । तर पाँचौं बल करणले सबैलाई सरप्राइज दिँदै गरे । करणले रनअप लिँदै अम्पायर बसेको स्थानबाट नै बल जैसवाललाई गरेका थिए ।

लेन्थको उक्त बल जैसवालले पनि बुझ्न नसकेपछि डट खेल्न पुगेका थिए । क्रिकेटमा अम्पायर क्षेत्रबाटै बल फ्याँलेको कमै देख्न पाइन्छ । करणले उक्त बलको लागि आफूले अभ्यासमा तयारी पनि गरेको बताएका छन् ।

‘त्यो बल चाहिँ अभ्यास गरि राखेको थिए । टि२० अभ्यास खेलमा मोन्टी सरले पनि यो बल एकदमै राम्रो हुन्छ भन्नु भएको थियो । उक्त बल गर्न मोन्टी सरले अभ्यास गर्न पनि भन्नु भएको थियो । यो देखाउने भारत उत्कृष्ट विकल्प हो जस्तो सोचे । अलीकती कन्फुजन (अलमल) हुन्छ की भनेर सोचेको थिए । पछाडिबाट बल फाल्नी मैले अभ्यास गरि राखेको थिए । धेरै अन्तर्राष्ट्रिय खेलाडी पनि गर्दछन्’, करणले उक्त बल बारे भने ।

जैसवालले ४९ बलमा ८ चौका र ७ छक्कासहित १ सय रनको शतकीय इनिङ खेलेका थिए । भारतले निर्धारित २० ओभरमा ४ विकेट गुमाउँदै २ सय २ रन बनाएको थियो । जितको लागि २ सय ३ रनको विशाल विजयी लक्ष्य पछ्याएको नेपालले २० ओभरमा ९ विकेट गुमाउँदै १ सय ७९ रन बनाएको थियो ।

क्रिकेटमा मेडल जित्ने प्रतियोगिता कमै हुन्छन् । एसियाड एकदमै राम्रो भएको करण बताउँछन् । ‘मुख्य त चाइनीजसँग कुरा गर्दा गाह्रो भयो । एक त हाम्रो अंग्रेजी ५०/५० । त्यसमा चाइनिजको अंग्रेजी जिरो थियो । उनीहरुलाई बुझाउनी कसरी । आफू बुझ्ने कसरी । केहि खाना खान जादा नुन माग्दा चिनी ल्याइदिएर आउनी । त्यो चाहिँ गाह्रो भएको थियो । त्यो रमाइलो पनि भयो । भाषा नबुझेपनि उनीहरुले सहयोग गरे’, करणले भने ।

करणले भारतलाई हराए स्वर्ण पक्का हुने सोचेको समेत बताउँछन् । ‘रोहितले भारतको चिट निकाल्यो । ला भारत पर्यो । भारतलाई हरायो भने स्वर्ण पक्का आउछ हाम्रो भन्ने थियो । भारत नपरेको भए हामी फाइनल खेल्थौं । भारतलाई जसरी पनि जित्यो भने हाम्रो स्वर्ण पक्का हो भन्ने सोच थियो’, उनले भने ।

यो पनि : ‘ब्याट नभएको होईन, भाँचिएको मलाई नै थाहा थिएन’ – करण

सानदार ब्याटिङका बाबजुद नेपाल भारतसँग पराजित

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.