default_image

8 months ago

October 7, 2023

माक्ररम बने विश्वकपमा सर्वाधिक छिटो शतक हान्ने खेलाडी

9839 views

0 Bookmark

एजेन्सी – दक्षिण अफ्रिकाका मध्यक्रमका ब्याटर एडेन माक्ररम विश्वकपमा सर्वाधिक छिटो शतक हान्ने खेलाडी बनेका छन् । भारतमा जारी आइसिसी विश्वकप २०२३ मा श्रीलंकाविरुद्ध ४९ बलमा शतक हान्दै उक्त कीर्तिमान बनाएका हुन् ।

अरुण जेट्ली स्टेडियम दिल्लीमा टस हारेर पहिला ब्याटिङको निम्तो पाएको दक्षिण अफ्रिकाले निर्धारित ५० ओभरमा ५ विकेट गुमाउँदै ४ सय २८ रन बनायो ।

माक्ररमले ५४ बलमा १४ चौका र ३ छक्कासहित १ सय ६ रनको कीर्तिमानी इनिङ खेले । माक्ररमले ४६ औं ओभरको चौथो बलमा चौका र पाँचौं बलमा छक्का हान्दै ४९ बलमा शतक पूरा गरेका थिए ।

उनले आयरल्यान्डका केभिन ओ ब्रायनको ५० बलको कीर्तिमान तोडेका हुन् । ब्रायनले २०११ को विश्वकपमा इंग्ल्यान्डविरुद्ध ५० बलमा शतक हानेका थिए । त्यस्तै विश्वकपमा २०१५ मा अष्ट्रेलियाका ग्लेन म्याक्सवेलले श्रीलंकाविरुद्ध ५१ र त्यसै वर्ष वेस्टइन्डिजविरुद्ध दक्षिण अफ्रिकाका एवि डिभिलियर्सले ५२ बलमा शतक हानेका थिए ।

ओडिआई इतिहासकै सर्वाधिक छिटो शतक भने एवि डिभिलियर्स कै नाममाछ । डिभिलियर्सले २०१५ मा वेस्टइन्डिजविरुद्ध ३१ बलमै शतक हानेका थिए । डिभिलियर्सको शतकको सहयोगमा दक्षिण अफ्रिकाले आफ्नो ओडिआई इतिहासको उच्च योगफल ४ सय ३९ रन बनाएको थियो । त्यसै खेलमा हसिम अमलाले १ सय ५३ र राइली रोसोउले १ सय २८ रनको शतकीय इनिङ खेलेका थिए ।

डिभिलियर्सपछि ओडिआईमा सर्वाधिक छिटो शतक न्युजिल्यान्डका कोरी एन्डरसनले २०१४ मा वेस्टइन्डिजविरुद्ध ३६ बल, पाकिस्तानका शाहिद अफ्रिदीले १९९६ मा श्रीलंकाविरुद्ध ३७ बल र युएईका आसिफ खानले नेपालविरुद्ध २०२३ मार्चमा ४१ बलमा शतक हानेका थिए ।

विश्वकप इतिहासमा पहिलो पटक एकै खेलमा तीन शतक प्रहार भएका हुन् । अनुभवी ब्याटर रास्सी भान डर डुसेन १ सय १० बलमा १३ चौका र २ छक्कासहित १ सय ८ रनको शतकीय इनिङ खेले । ओपनर क्विन्टन डि ककले ८४ बलमा १२ चौका र ३ छक्कासहित १ सय रनको शतकीय इनिङ खेलेका थिए ।

ओडिआईमा यसअघि तीन पटक मात्रै एकै खेलमा तीन शतक प्रहार भएका थिए । २०१५ मा दक्षिण अफ्रिकाले वेस्टइन्डिजविरुद्ध, त्यसै वर्ष दक्षिण अफ्रिकाले भारतविरुद्ध तथा गतवर्ष इंग्ल्यान्डले नेदरल्यान्ड्सविरुद्ध एकै खेलमा तीन शतक हानेको थियो । तर ती तीन खेल विश्वकप नभएर सिरिजका थिए ।

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

June 15, 2024

दीपेन्द्रले तेस्रो विकेट लिए

किङ्गसटाउन (हाम्रो खेलकुद)– नेपालले टि ट्वान्टी विश्व कपको आफ्नो तेस्रो खेलमा दक्षिण अफ्रिकाविरुद्ध कसिलो बलिङ निरन्तरता दिइरहेको छ । दीपेन्द्रसिंह ऐरीले व्यक्तिगत तेस्रो विकेट लिँदा दक्षिण अफ्रिकाले १७.३ ओभरमा ५ विकेटको क्षेतिमा ९७ रन बनाएको छ । दीपेन्द्रले डेभिड मिलरलाई ७ रनमा सन्दीप लामिछानेबाट क्याच गराएका थिए । त्यसअघि दीपेनद्रले सर्वाधिक ४३ रन बनाएका हेन्रिच […]

Success

Thank you for your time.