default_image

8 months ago

October 8, 2023

विश्वकपको एकै खेलमा पहिलो पटक ७ सय ५४ रन र १ सय ५ बाउन्ड्री

19641 views

0 Bookmark

एजेन्सी – आइसिसी विश्वकप २०२३ को चौथो खेलमा दक्षिण अफ्रिका र श्रीलंकाबीचको एकै खेलमा ७ सय ५४ रन बन्नुको साथै कुल १ सय ५ बाउन्ड्री (चौका र छक्का) प्रहार भएको छ । अरुण जेट्ली स्टेडियम दिल्लीमा टस हारेर पहिला ब्याटिङको निम्तो पाएको दक्षिण अफ्रिकाले ५० ओभरमा ५ विकेट गुमाउँदै ४ सय २८ रन बनाएको थियो ।

दक्षिण अफ्रिकाले खेलमा कुल ४५ चौका र १४ छक्का प्रहार गरेको थियो । जितकोे लागि उक्त विजयी लक्ष्य पछ्याएको श्रीलंका ४४.५ ओभरमा ३ सय २६ रन बनाएको थियो । श्रीलंकाले खेलमा २९ चौका र १७ छक्का हानेको थियो । खेलमा कुल ७४ चौका र ३१ छक्का प्रहार भएको थियो । दिल्लीको ब्याटिङ सहयोगी पिच र छोटो बाउन्ड्रीको कारण रनको वर्षा भएको थियो ।

विश्वकप इतिहासमा यो एकै खेलमा बनेको सर्वाधिक धेरै रन हो । यसअघि २०१९ को विश्वकपमा अष्ट्रेलिया र बंगलादेशबीचको खेलमा कुल ७ सय १४ रन बनेको थियो । २०१५ को विश्वकपमा अष्ट्रेलिया र श्रीलंकाबीचको खेलमा कुल ६ सय ८८ रन बनेको थियो । २०१९ को विश्वकपमा पाकिस्तान र इंग्ल्यान्डबीचको खेलमा ६ सय ८२ बनेको थियो ।

त्यस्तै एकै खेलमा बनेको यो सर्वाधिक चौका र छक्का हो । यसअघि २०१५ मा वेस्टइन्डिज र न्युजिल्यान्डबीचको खेलमा कुल ९३ बाउन्ड्री प्रहार भएको थियो । त्यस्तै विश्वकपमा एकै खेलमा सर्वाधिक रन, सर्वाधिक छिटो शतक र पहिलो पटक तीन शतक पनि प्रहार भएका छन् ।

दक्षिण अफ्रिका विश्वकपमा एकै इनिङमा सर्वाधिक रन बनाउने टोली पनि बनेको छ । विश्वकपमा यसअघि उच्च योगफल २०१५ मा अष्ट्रेलियाले सिड्नीमा अफगानिस्तानविरुद्ध ४ सय १७ रन बनाएको थियो ।

दक्षिण अफ्रिकाको जितमा ओपनर क्विन्टन डि कक, रास्सी भान डर डुसेन र एडेन माक्ररमले शतकीय इनिङ खेले । माक्रमले ५४ बलमा १४ चौका र ३ छक्कासहित १ सय ६ रनको कीर्तिमानी इनिङ खेलेका थिए । एडेन माक्ररमले विश्वकप इतिहासकै सर्वाधिक छिटो ४९ बलमा शतक पूरा गरेका थिए ।

उनले २०११ मा आयरल्यान्डका केभिन ओ ब्रायनले इंग्ल्यान्डविरुद्ध ५० बलमा हानेको शतकको कीर्तिमान तोडेका थिए । ओडिआई इतिहासकै सर्वाधिक छिटो शतक भने दक्षिण अफ्रिकाका एवि डिभिलियर्सले २०१५ मा वेस्टइन्डिजविरुद्ध ३१ बलमा हानेका थिए ।

विश्वकप इतिहासमा पहिलो पटक एकै खेलमा तीन शतक प्रहार भएका हुन् । ओडिआईमा यसअघि तीन पटक मात्रै एकै खेलमा तीन शतक प्रहार भएका थिए । २०१५ मा दक्षिण अफ्रिकाले वेस्टइन्डिजविरुद्ध, त्यसै वर्ष दक्षिण अफ्रिकाले भारतविरुद्ध तथा गतवर्ष इंग्ल्यान्डले नेदरल्यान्ड्सविरुद्ध एकै खेलमा तीन शतक हानेको थियो ।

अनुभवी ब्याटर रास्सी भान डर डुसेन १ सय १० बलमा १३ चौका र २ छक्कासहित १ सय ८ रनमा आउट भए । ओपनर क्विन्टन डि ककले ८४ बलमा १२ चौका र ३ छक्कासहित १ सय रन बनाउँदै आउट भएका थिए ।

हेनरिक क्लासेन २० बलमा १ चौका र ३ छक्कासहित ३२ रनमा आउट भए । डेविड मिलर २१ बलमा ३ चौका र २ छक्कासहित ३९ तथा मार्को यानसन १२ रनमा नटआउट रहे । टेम्बा बभुमा ५ बलमा २ चौकासहित ८ रनमा आउट भए ।

जितको लागि ४ सय २९ रनको विशाल विजयी लक्ष्य पछ्याएको श्रीलंका ४४.५ ओभरमा ३ सय २६ रनमा अल आउट भएको थियो । श्रीलंकाका मध्यक्रमका ब्याटर चरिथ असलंकाले ६५ बलमा ८ चौका र ४ छक्कासहित सर्वाधिक ७९ रन बनाएका थिए ।

कुशल मेन्डिसले ४२ बलमा ४ चौका र ८ छक्कासहित ७६ रनको विष्फोटक इनिङ खेलेका थिए । कशुल परेरा १ चौकासहित ७, सदिरा समाराविक्रमा १९ बलमा ३ चौका र १ छक्कासहित २३, धनन्जय डि सिल्भा १ चौकासहित ११ रनमा आउट भए ।

कप्तान शानकाले ६२ बलमा ६ चौका र ३ छक्कासहित ६८ रनमा आउट भए । कसुन रजिथा ३१ बलमा ४ चौका र १ छक्कासहित ३३ रनमा आउट भए । मथिसा पाथिराना र दिलशान मदुशानकाले पनि समान एक चौका हानेका थिए ।

June 14, 2024

सन्दीपसहित नेपाली क्रिकेट टोलीले अभ्यास गर्यो

प्रकाश तिमल्सिना, सेन्ट भिन्सेन्ट आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार सेन्ट भिन्सेन्ट आइपुगेको नेपाली टोली स्पिनर सन्दीप लामिछाने सहित अभ्यास गरेको छ। दक्षिण अफ्रिकासँग शुक्रबार स्थानीय समय अनुसार साँझ ७:३० बजे (नेपाली समय अनुसार शनिबार बिहान ५:१५ बजे) खेल‌ हुने मैदान आर्नस भेलमा बिहीबार साँझ ६:१५ बजेबाट अभ्यास सुरु […]

June 14, 2024

नेपाली क्रिकेट टोली सेन्ट भिन्सेन्ट आइपुग्यो

सेन्ट भिन्सेन्ट (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार स्थानिय समय अनुसार दिउँसो ३:३० बजे सेन्ट भिन्सेन्ट आइपुगेको छ। नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण बुधबार रोकिएको थियो।फ्लोरिडाबाट नेपाली‌ टोली बुधबार साँझ सेन्ट भिन्सेन्ट आउने तालिका रहेपनि लगातारको वर्षाका कारण उडान रद्द भएको थियो। लगातारको‌‌ […]

June 14, 2024

बंगलादेशको नेदरल्याण्ड्सविरुद्ध जित

एजेन्सी – आईसिसी टि-२० विश्वकपमा नेपाल रहेको समूह डी मा बंगलादेशले नेदरल्याण्ड्स माथि जित दर्ता गरेको छ । बंगलादेशले नेदरल्याण्ड्सलाई २५ रनले पराजित गरेको हो । बंगलादेशले दिएको १६० रनको लक्ष्य पछ्याएको नेदरल्याण्ड्सले निर्धारित २० ओभरमा ८ विकेटको क्षतिमा १३४ मात्र बनाउन सक्यो । राम्रो सुरुवात गरेको नेदरल्याण्ड्स जिततर्फ उन्मुख रहेको थियो । तर १५औं […]

Success

Thank you for your time.