एजेन्सी – अष्ट्रेलियाले आइसिसी विश्वकप २०२३ को पाँचौं खेलमा भारतविरुद्ध टस जितेको छ । चेन्नईमा अष्ट्रेलियाका प्याट कमिन्सले टस जितेर पहिला ब्याटिङ गर्ने निर्णय लिएका छन् ।

भारत आफ्नो लय, घरेलु मैदान र दर्शकको फाइदा उठाउँदै विजयी सुरुवात गर्न चाहन्छ । तर विश्वकपको सर्वाधिक सफल टोली अष्ट्रेलिया भारतलाई स्तब्ध पार्दै सानदार सुरुवात गर्ने सोचमा हुनेछ । यी दुई देशबीच कडा प्रतिस्पर्धाको अपेक्षा गरिएको छ ।

भारतले खेलमा तीन स्पिनर रविचन्द्रन आश्विन, रविन्द्र जडेजा र कुलदीप यादवलाई मैदान उतारेको छ । उता अष्ट्रेलियाले तीन तीव्र गतिका बलर प्याट कमिन्स, मिचेल स्टार्क र जोश हेडलवुड छन् । अष्ट्रेलियाले क्यामरन ग्रीनलाई निरन्तरता दिँदा मार्कस स्टोइनिस बेन्चमा छन् ।

विश्वकपमा हेड टु हेड :

विश्वकपमा भारत र अष्ट्रेलियाबीच १२ खेल भएको छ । जसमा भारत ४ खेलमा विजयी हुँदा ८ खेलमा पराजित भएको छ । पछिल्ला पाँच ओडिआई खेलमा भारत २ खेलमा विजयी हुँदा ३ खेलमा पराजित भएको छ ।

अष्ट्रेलियाको प्लेइङ ११

प्याट कमिन्स (कप्तान), एलेक्स केरी, क्यामरन ग्रीन, मार्नस लाबुसेन, जोश हेजलवुड, मिचेल मार्श, ग्लेन म्याक्सवेल, स्टिभ स्मिथ, मिचेल स्टार्क, डेविड वार्नर र एडम जाम्पा ।

भारतको प्लेइङ ११

रोहित शर्मा (कप्तान), हार्दिक पान्ड्या, विराट कोहली, श्रेयस ऐर, लोकेश राहुल, रविन्द्र जडेजा, जस्प्रित बुमराह, मोहम्मद शिराज, कुलदीप यादव, रविन्द्रन आश्विन र ईशान किशन ।