default_image

8 months ago

October 8, 2023

विश्वकप : भारतको बलिङ सामु चलेन अष्ट्रेलिया ब्याटिङ

2784 views

0 Bookmark

एजेन्सी – अष्ट्रेलियाले आइसिसी विश्वकप २०२३ मा आफ्नो पहिलो खेलमा घरेलु टोली भारतलाई २ सय रनको मध्यम लक्ष्य दिएको छ । चेन्नईमा टस जितेर पहिला ब्याटिङको निम्तो पाएको अष्ट्रेलिया ४९.३ ओभरमा १ सय ९९ रनमा अल आउट भयो ।

अष्ट्रेलियाका स्टिभ स्मिथले ७१ बलमा ५ चौकासहित सर्वाधिक ४६ रनको योगदान दिए । त्यस्तै ओपनर डेविड वार्नरले ५२ बलमा ६ चौकासहित ४१ रन बनाए ।

ओपनर मिचेल मार्श तीव्र गतिका बलर जस्प्रित बुमराहको तेस्रो ओभरको दोस्रो बलमा स्लिपमा विराट कोहलीबाट शून्यमा क्याच आउट भए । दोस्रो विकेटका लागि वार्नर र स्मिथले ६९ रनको साझेदारी गरेका थिए । वार्नर कुलदीप यादवको बलमा कट एण्ड बोल्ड आउट भए ।

त्यसपछि भारतीय स्पिनर खेलमा हाबी बनेका थिए । तेस्रो विकेटका लागि स्मिथ र लाबुसेनले ३६ रनको साझेदारी गरेका थिए । जडेजाले २८ औं ओभरको पहिलो बलमा स्मिथलाई बोल्ड आउट गरे । दुई ओभरपछि जडेजा कै बलमा लाबुसेन एज लागेर विकेटकिपर लोकेश राहुलबाट क्याच आउट भए ।

लाबुसेन आउट भएको दुई बलपछि एलेक्स केरी शून्यमा एलबीडब्लू आउट भए । जडेजाले दुई विकेट एकै ओभरमा लिएपछि भारत खेलमा हाबी भएको थियो । रविचन्द्रन आश्विनको बलमा क्यामरन ग्रीन ८ रनमा आउट भए ।

कप्तान प्याट कमिन्स २४ बलमा १ चौका र १ छक्कासहित १५ रनमा आउट भए । मिचेल स्टार्क ३५ बलमा २ चौका र १ छक्कासहित २८ रनमा आउट भए ।

भारतका रविन्द्र जडेजाले १० ओभरमा २ मेडनसहित २८ रन खर्चेर ३ विकेट लिए । कुलदीप यादवले १० ओभरमा ४२ रन खर्चेर २ विकेट लिए । जस्प्रित बुमराहले १० ओभरमा ३५ रन खर्चेर २ विकेट लिए । हार्दिक पान्ड्या, मोहम्मद शिराज र रविचन्द्रन आश्विनले समान एक विकेट लिए ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.