10 months ago
October 11, 2023
काठमाडौं (हाम्रो खेलकुद) – जिल्ला खेलकुद समितिले सिन्धुपाल्चोक क्रिकेट संघलाई सामाग्री हस्तान्तरण गरेको छ । पछिल्लो केहि वर्षयता निरन्तर सक्रिय भएपछि क्रिकेट संघलाई खेलकुद समितिले क्रिकेट सामाग्री हस्तान्तरण गरेकोा हो ।
समितिका अध्यक्ष सुरेश रानाले क्रिकेट संघ जिल्लाका अध्यक्ष विजय धिताललाई एक कार्यक्रमकाबीच सामाग्री हस्तान्तरण गरेका हुन् । क्रिकेट संघले हरेक वर्ष जिल्लास्तरिय क्रिकेट आयोजना गर्नुको साथै उदाहरणीय रुपमा एक स्थानिय तह दुई खेलाडीलाई विशेष प्रशिक्षणको लागि भारत पठाउँदै आएको छ ।
आधा दर्जन खेलाडीलाई स्थानियतहसँग समन्वय गर्दै भारतमा प्रशिक्षण गराई सकेकोछ । केहि युवा खेलाडीलाई पठाउने तयारी गरेको छ । त्यस्तै जिल्लास्तरिय प्रतियोगितामा उत्कृष्ट प्रदर्शन गर्ने खेलाडी र सम्भावना बोकेका युवा खेलाडीलाई काठमाडौंको ग्रेट हिमालयन क्रिकेट एकेडेमीमा निशुल्क प्रशिक्षण समेत गराउँदै आएको छ ।
उक्त कार्यक्रममा जिल्ला फुटबल संघका अध्यक्ष तथा चौतारा सांगाचोकगढी नगरपालिका खेल्कुद प्रमुख अमृतमान श्रेष्ठले जिल्लामा क्रिकेटको गतिविधि निरन्तर हुँदा खुसी ब्यक्त गरेका थिए ।
‘जिल्ला खेलकुद समितीले पहिलो पटक क्रिकेटलाई खेलुकुद सामाग्री वितरण गरेकोमा खुशी लागेको छ । क्रिकेटलाई अको स्तरमा पुर्याउन हौसला प्राप्त भएको छ । स्थानिय सरकार र सबै मिलेर जिल्ला क्रिकेटलाई माथि पुर्याउनु पर्छ’, संघका अध्यक्ष विजय धितालले भने ।
यस्ता कार्यक्रमले नयाँ तथा युवा खेलाडी उत्पादनमा सहयोग पुग्ने जिल्ला क्रिकेट संघका कोषाध्यक्ष राजु सापकोटाले बताए । उक्त कार्यक्रममा जिल्लाको विभिन्न संघका पदाधिकारीहरुको उपस्थिति थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]