काठमाडौं (हाम्रो खेलकुद) – नेपाली युवा टोलीले यू१९ एसिसी प्रिमियर कप २०२३ मा आफ्नो पहिलो खेलमा इरानविरुद्ध टस हारेर पहिला ब्याटिङ गर्ने भएको छ । मलेसियाको वाइएसडी युकेएम ओभल बांगीमा भएको इरानले टस जितेर पहिला फिल्डिङ रोज्दै नेपाललाई ब्याटिङको निम्तो दिएको हो ।

प्रिमियर कपमा एसियाका १६ एसोसिएट टोलीले प्रतिस्पर्धा गर्दैछन् । जसलाई चार समूहमा विभाजन गरिएको छ । शीर्ष तीन टोलीले आगमी डिसेम्बरमा पाकिस्तानमा हुने यू१९ एसिया कप खेल्न पाउनेछन् ।

भारत, पाकिस्तान, बंगलादेश, अफगानिस्तान र श्रीलंका भने एसिया कपमा सोझै छनोट भएका छन् । एसिया कप यू१९ विश्वकप अघिको तयारी हो । विश्वकप २०२४ जनवरीमा श्रीलंकामा हुनेछ । नेपालले पनि उक्त विश्वकप खेल्नेछ । विश्वकपमा नेपालको समूहमा पाकिस्तान, न्युजिल्यान्ड र अफगानिस्तान छन् ।

नेपालको प्लेइङ ११ – देव खनाल(कप्तान), दिपक बोहरा, अर्जुन कुमाल, आकाश त्रिपाठी, दीपक डुम्रे(विकेटकिपर), आकाश चन्द, दीपेश कंडेल, दीपक बोहरा, सुवास भण्डारी, मिलन बोहरा र हेमन्त धामी ।

यू१९ प्रिमियर कपमा समूह :

समूह ए – नेपाल, बहराइन, साउदी अरेविया र इरान ।

समूह बी – युएई, ओमान, कतार र चीन ।

समूह सी – सिंगापुर, कुवेत, थाईल्यान्ड र माल्दिभ्स ।

समूह डी – हङकङ, मलेसिया जापान र इन्डोनएसिया ।

खेल – खेल ५० ओभरको हुनेछ ।

प्रयितोगिता बारे थप जानकारी : यू-१९ प्रिमियर कप : नेपालको खेल तालिका, लाइभ र समयको बारे जानकारी