काठमाडौं (हाम्रो खेलकुद) – युवा ब्याटर अर्जुन कुमाल यू१९ एसिसी प्रिमियर कपमा इरानविरुद्ध गोल्डेन डक आउट भएका छन् । मलेसियाको वाइएसडी युकेएम ओभल बांगीमा टस हारेर पहिला ब्याटिङको निम्तो पाएको नेपालले ३ ओभरमा १ विकेट गुमाउँदै ६ रन बनाएको छ ।

नेपालका दीपक बोहरा १० बलमा ३ र आकाश त्रिपाठी ६बलमा २ रनमा खेलेका छन् । नेपालले दोस्रो बलमै ओपनर तथा भरपर्दा ब्याटर अर्जुन कुमाललाई शून्यमा गुमाएको छ । दद्रहमान राइसीको दोस्रो बलमै अर्सलान शेखबाट क्याच आउट भएका हुन् । उनले खेलेको पहिलो बलमै आउट भएका थिए ।

प्रिमियर कपमा एसियाका १६ एसोसिएट टोलीले प्रतिस्पर्धा गर्दैछन् । जसलाई चार समूहमा विभाजन गरिएको छ । शीर्ष तीन टोलीले आगमी डिसेम्बरमा पाकिस्तानमा हुने यू१९ एसिया कप खेल्न पाउनेछन् ।

भारत, पाकिस्तान, बंगलादेश, अफगानिस्तान र श्रीलंका भने एसिया कपमा सोझै छनोट भएका छन् । एसिया कप यू१९ विश्वकप अघिको तयारी हो । विश्वकप २०२४ जनवरीमा श्रीलंकामा हुनेछ । नेपालले पनि उक्त विश्वकप खेल्नेछ । विश्वकपमा नेपालको समूहमा पाकिस्तान, न्युजिल्यान्ड र अफगानिस्तान छन् ।

नेपालको प्लेइङ ११ – देव खनाल(कप्तान), दिपक बोहरा, अर्जुन कुमाल, आकाश त्रिपाठी, दीपक डुम्रे(विकेटकिपर), आकाश चन्द, दीपेश कंडेल, दीपक बोहरा, सुवास भण्डारी, मिलन बोहरा र हेमन्त धामी ।