काठमाडौं (हाम्रो खेलकुद) – नेपालले यू१९ एसिसी प्रिमियर कपमा इरानविरुद्ध मध्यम सुरुवात गरेको छ । मलेसियाको वाइएसडी युकेएम ओभल बांगीमा टस हारेर पहिला ब्याटिङको निम्तो पाएको नेपालले ९ ओभरमा २ विकेट गुमाउँदै ५१ रन बनाएको छ ।

दीपक बोहरा २७ बलमा २ चौकासहित २० रनमा क्रिजमा छन् । देव खनाल १७ बलमा २ चौका र १ छक्कासहित २२ रनमा नटआउट छन् । तेस्रो विकेटका लागि ४५ रनको साझेदारी गरि सकेका छन् ।

नेपालले दोस्रो बलमै ओपनर तथा भरपर्दा ब्याटर अर्जुन कुमाललाई शून्यमा गुमाएको थियो । दद्रहमान राइसीको दोस्रो बलमै अर्सलान शेखबाट क्याच आउट भएका हुन् । उनले खेलेको पहिलो बलमै आउट भएका थिए । आकाश त्रिपाठी ९ बलमा ३ रन बनाउँदै राइसीको बलमा एलबीडब्लू आउट भए ।

नेपाल एक समय ४.१ ओभरमा १०-२ को अवस्थामा थियो । तर देव खनाल र दीपक बोहराले नेपाललाई खेलमा फर्काएका छन् । नेपालले ओपनरलाई सस्तैमा गुमाएपनि देव खनाल र दीपक बोहराले खेलमा फर्काउदै बलियो योगफलको सम्भावना देखाएका छन् ।

नेपालको प्लेइङ ११ – देव खनाल(कप्तान), दिपक बोहरा, अर्जुन कुमाल, आकाश त्रिपाठी, दीपक डुम्रे(विकेटकिपर), आकाश चन्द, दीपेश कंडेल, दीपक बोहरा, सुवास भण्डारी, मिलन बोहरा र हेमन्त धामी ।