default_image

10 months ago

October 12, 2023

अष्ट्रेलियामाथि दक्षिण अफ्रिकाको सानदार जित

3943 views

0 Bookmark

एजेन्सी – दक्षिण अफ्रिकाले आइसिसी विश्वकप २०२३ मा अष्ट्रेलियामाथि १ सय ३४ रनको सानदार जित हात पारेको छ । दक्षिण अफ्रिका लगातार दोस्रो जितका साथ अंक तालिकामा शीर्षस्थानमा उक्लिएको छ ।

जितको लागि ३ सय १२ रनको विशाल विजयी लक्ष्य पछ्याएको अष्ट्रेलिया ४०.५ ओभरमा १ सय ७७ रनमा अल आउट भयो । अष्ट्रेलियाका मार्नस लाबुसेनले ७४ बलमा ३ चौकासहित सर्वाधिक ४६ रनको योगदान दिए ।

एक समय ७०–६ को दयनीय अवस्थामा पुगेको अष्ट्रेलियालाई सातौं विकेटका लागि लाबुसेन र मिचेल स्टार्कले ६९ रनको साझेदारी गरेका थिए । स्टार्क ५१ बलमा ३ चौकासहित २७ रनमा आउट भए ।

अष्ट्रेलिया ओपनर डेविड वार्नर र मिचेल मार्शले सुरुवात देखीनै संघर्ष गरेका थिए । तीव्र गतिका बलर मार्को यानसनको बलमा ठूलो सट खेल्ने धुनमा मार्श टेम्बा बभुमाबाट ७ रनमा क्याच आउट भए । लुन्गी एनगिडीको बलमा वार्नर कट खेल्ने धुनमा १३ रनमा क्याच आउट भए ।

स्टिभ स्मिथ १६ बलमा ४ चौकासहित १९ रनमा कागिसो रबाडाको बलमा एलबीडब्लू आउट भए । तर स्मिथको आउट विवादित रह्यो । अम्पायरले सुरुवाती समय आउट नदिएपनि रिभ्यु लिँदै दक्षिण अफ्रिकाले स्मिथलाई आउट गरेका थिए । स्मिथ पनि उक्त आउट भएमा सरप्राइज भएका थिए । उक्त बल लेग साइडको अनुमान गरेपनि लेग स्टम्पमा लाग्न पुगेको थियो ।

रबाडाले जोश इंग्लिसलाई ५ रनमा क्लिन बोल्ड आउट गरे । त्यो समय अष्ट्रेलिया ११.१ ओभरमा ५६-४ को अवस्थामा पुगेको थियो । स्पिनर केशव महाराजको बलमा ग्लेन म्याक्सवेल ३ रनमा कट एण्ड बोल्ड आउट भए । प्याट कमिन्स २२, एडम जाम्पा ११ र जोश हेजलवुडले २ रन बनाए ।

कागिसो रबाडाको १८ औं ओभरको दोस्रो बलमा मार्कस स्टोइनिस ५ रनमा क्विन्टन डि ककबाट क्याच आउट भए । स्टोइनिसको ब्याट नभएको हातको गल्भ्समा लागेर बल गएको थियो । नियम अनुसार उक्त बलमा खेलाडी आउट हुँदैनन् । तर थर्ड अम्पायरले स्टोइनिसलाई आउट दिएका थिए ।

दक्षिण अफ्रिकाका कागिसो रबाडाले ८ ओभरमा १ मेडनसहित ३३ रन खर्चेर ३ विकेट लिए । मार्को यानसन, केशव महाराज र तबरेज शाम्सीले दुई दुई विकेट लिए ।

त्यसअघि लखनऊमा टस हारेर पहिला ब्याटिङको निम्तो पाएको दक्षिण अफ्रिकाले निर्धारित ५० ओभरमा ७ विकेट गुमाउँदै ३ सय ११ रन बनाएको थियो । दक्षिण अफ्रिकाको जितमा ओपनर डि ककले १ सय ६ बलमा ८ चौका र ५ छक्कासहित १ सय ९ रनको शतकीय इनिङ खेलेका थिए । उनको यो विश्वकपमा लगातार दोस्रो शतक हो ।

उनको यो ओडिआई करिअरको १९ औं शतक हो । डि ककले पहिलो खेलमा श्रीलंकाविरुद्ध पनि १ सय रनको शतकीय इनिङ खेलेका थिए । पहिलो विकेटका लागि डि कक र कप्तान टेम्बा बभुमाले १९.४ ओभरमा १ सय ८ रनको शतकीय साझेदारी गरेका थिए ।

बभुमा ५५ बलमा २ चौकासहित ३५ रनमा आउट भएका थिए । रास्सी भान डर डुसेन ३० बलमा २ चौकासहित २६ रनमा आउट भए ।

मध्यक्रमका ब्याटर एडेन माक्ररमले ४४ बलमा ७ चौका र १ छक्कासहित ५६ रनमा आउट भए । हेनरिक क्लासेन २७ बलमा ३ चौकासहित २९ रनमा आउट भए । मार्को यानसन २२ बलमा ३ चौका र १ छक्कासहित २६ रनमा आउट भए । डेविड मिलर १३ बलमा १ चौका र १ छक्कासहित १७ रनमा आउट भए ।

अष्ट्रेलियाका ग्लेन म्याक्सवेलले १० ओभरमा १ मेडनसहित ३४ रन खर्चेर २ विकेट लिए । एडम जाम्पाले १० ओभरमा ७० रन खर्चेर १ विकेट लिए । मिचेल स्टार्कले ९ ओभरमा ५३ रन खर्चेर २ विकेट लिए । जोश हेजलवुड र प्याट कमिन्सले एक एक विकेट लिए ।

दक्षिण अफ्रिकाले पहिलो खेलमा श्रीलंकालाई १सय २ रनले हराएको थियो । दक्षिण अफ्रिकाले अव १७ अक्टोबरमा धर्मशालामा नेदरल्यान्ड्ससँग खेलेको थियो । त्यस्तै अष्ट्रेलिया पहिलो खेलमा भारतसँग ६ विकेटले पराजित गरेको थियो । अष्ट्रेलियाले अव सोमबार श्रीलंकासँग लखनऊ मैदानमा खेल्नेछ ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.