default_image

8 months ago

October 14, 2023

अर्जेन्टिनाले बनायो टि२० क्रिकेटमा ४ सय २७ रन

14285 views

0 Bookmark

एजेन्सी – अर्जेन्टिना महिला क्रिकेट टोली टि२० क्रिकेटमा ४ सय रन बनाउने पहिलो टोली बनेकोछ । महिला टि२० आई खेलमा अर्जेन्टिनाले चिलीलाई ३ सय ६४ रनले हराएको छ ।

सेन्ट अल्बान्स क्लब, ब्यूनस आयर्समा टस हारेर पहिला ब्याटिङको निम्तो पाएको अजेन्टिनाले २० ओभरमा १ विकेट गुमाउँदै ४ सय २७ रन बनायो । यो महिला टि२० आईमा मात्रै नभएर कुनैपनि टि२० खेलमा बनेको सर्वाधिक धेरै हो ।

टि२० आई पुरुष क्रिकेटमा केहि साताअघि नेपालले १९ औं एसियाली खेलकुदमा मंगोलियाविरुद्ध ३ सय १४ रन बनाएको थियो । त्यो नै टि२० आईको उच्च योगफल थियो । त्यसै खेलमा नेपाल २ सय ७३ रनले विजयी भएको थियो । त्यो नै सर्वाधिक ठूलो जित थियो । तर उक्त कीर्तिमान तोडिएको छ ।

महिला टि२० आईमा भने यसअघि २०२२ मार्चमा बहराइनले साउदी अरेवियाविरुद्ध ३ सय १८ रन बनाएको थियो । युगान्डाले मालीविरुद्ध ३ सय १४ रन बनाएको थियो ।

अजेन्टिनाकी लुलिसा टेलर ८४ बलमा २७ चौकासहित १ सय ६९ रनमा आउट भइन् । उनी महिला टि२० क्रिकेटमा एकै खेलमा सर्वाधिक रन बनाउने ब्याटर बनेकी छिन् । उनले बहराइनकी दीपिकाको १ सय ६१ रनको कीर्तिमान तोडेकी हुन् ।

अर्की ओपनर अल्बर्टिना गालन ८४ बलमा २३ चौकासहित १ सय ४५ रनमा नटआउट रहिन् । पहिलो विकेटका लागि गालन र टेलरले ३ सय ५० रनको तेहोरो शतकीय साझेदारी गरेका थिए । कुनैपनि विकेटका लागि टि२० क्रिकेटमा भएको उच्च साझेदारी समेत हो ।

जितको लागि ४ सय २८ रनको विशाल विजयी लक्ष्य पछ्याएको चिली १५ ओभरमा ६३ रनमा अल आउट भयो । चिलीकी जेसिका मिरान्डाले २९ बलमा ४ चौकासहित सर्वाधिक २७ रन बनाइन् । चिलीका ७ खेलाडी शून्यमा आउट भएका थिए । सिरिजको दोस्रो खेल आज र तेस्रो खेल भोली हुनेछन् ।

चिली हुनुपर्नेमा अन्यथा भएकोले सच्याइएको छ। सम्पादक

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.