एजेन्सी – पाकिस्तानले आइसिसी विश्वकप २०२३ मा घरेलु टोली भारतविरुद्ध राम्रो ब्याटिङ सुरुवात गरेको छ ।
नरेन्द्र मोदी स्टेडियम अहमदाबादमा टस हारेर पहिला ब्याटिङको निम्तो पाएको पाकिस्तानले २६ ओभरमा २विकेट गुमाउँदै १ सय २९ रन बनाएको छ ।

बाबर आजम ४८ बलमा ५ चौकासहित ३६ रनमा क्रिजमा छन् । मोहम्मद रिजवान ४६ बलमा ५ चौकासहित ३६ रनमा नै खेलेका छन् ।

पाकिस्तानलाई ओपनर इमाम उल हक र अब्दूल्लाह शफिकले ८ ओभरमा ४१ रन जोड्दै राम्रो सुरुवात दिलाएका थिए । श्रीलंकाविरुद्धका धतकधारी शफिक भारतविरुद्ध २४ बलमा ३ चौकासहित २० रनमा आउट भए । उनी मोहम्मद शिराजको बलमा एलबीडब्लू आउट भए ।

हक ३८ बलमा ६ चौकासहित ३६ रनमा आउट भए । उनी हार्दिक पान्ड्याको बलमा एज लागेर विकेटकिपर लोकेश राहुलबाट क्याच आउट भए । त्यो समय पाकिस्तान १२.३ ओभरमा ७३-२ को अवस्थामा थियो । त्यसपछि पाकिस्तानका सर्वाधिक दुई भरपर्दा ब्याटर मोहम्मद रिजवान र बाबर आजमले इनिङ सम्हाल्लेका थिए ।

भारतले आजको खेलमा टोलीमा एक परिवर्तन गरेको छ । शुभमन गिल टोलीमा फर्किदा ईशान किशन बेन्चमा छन् । पाकिस्तानले टोलीमा कुनै परिवर्तन गरेको छैन । दुबै टोलीले सुरुवाती दुई खेल जितेका छन् । विश्वकप इतिहासमा भारतले हालसम्म पाकिस्तानसँग हारेको छैन । टि२० आई विश्वकपमा भने भारत २०२१ मा पाकिस्तानसँग १० विकेटले पराजित भएको थियो ।