default_image

9 months ago

October 15, 2023

श्रीलंकाका कप्तानले विश्वकपका बाँकी खेल गुमाउने

1155 views

0 Bookmark

एजेन्सी – श्रीलंकाका कप्तान तथा फिनिसर दाशुन शानकाले भारतमा जारी आइसिसी विश्वकप २०२३ का बाँकी सबै खेल गुमाउने भएका छन् । पाकिस्तानसँगको खेलमा खुट्टाको मांशपेशीमा चोट लागेपछि उनलाई ठीक हुन कम्तिमा तीन साता लाग्ने बताइएको छ ।

त्यसैको कारण शानकाले विश्वकपका बाँकी खेल गुमाउने आइसिसीले जनाएको छ । उनी नहुँदा उपकप्तान कुशल मेन्डिसले टोलीको कप्तानी गर्नेछन् । शानकाको स्थान अलराउन्डर चामिका करुणारत्नेले लिनेछन् ।

शानकाले विश्वकप गुमाउने भएपछि श्रीलंकाका थप संकटमा परेको छ । दुई प्रमुख अलराउन्डर वानिन्दु हसरंगा र दुश्मन्था चामिरा बिनाको श्रीलंकाले दक्षिण अफ्रिकाविरुद्ध विश्वकप इतिहासकै सर्वाधिक रन खर्चेको थियो ।

विश्वकपको पहिलो खेलमा दक्षिण अफ्रिकाले श्रीलंकाविरुद्ध ५० ओभरमा ५ विकेट गुमाउँदै ४ सय २८ रन बनाएको थियो । दक्षिण अफ्रिकाका क्विन्टन डि कक, रास्सी भान डर डुसेन र एडेन माक्ररमले शतक हानेका थिए ।

दोस्रो खेलमा कुशल मेन्डिसले ७७ बलमा १४ चौका र ६ छक्कासहित १ सय २२ रन बनाएपछि श्रीलंकाले ३ सय ४४ रन बनाएको थियो । तर मोहम्मद रिजवानले १ सय ३१ र अब्दूल्लाह शफिकले १ सय १३ रन बनाएपछि पाकिस्तानले ४८.२ ओभरमा उक्त लक्ष्य पूरा गरेको थियो ।

श्रीलंका बलिङ प्रदर्शन राम्रो हुन सकेको छैन । शानका नहुँदा थप समस्यामा पर्ने देखिन्छ । तल्लोक्रम ब्याटिङ झनै कमजोर बन्नेछ । शानकाले मध्य गतिमा पार्टटाइम बलिङ गर्दै आएका थिए । श्रीलंकाले सोमबार अष्ट्रेलियासँग खेल्नेछ । अष्ट्रेलियापनि सुरुवाती दुबै खेलमा पराजित भएको छ ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.