9 months ago
October 16, 2023
काठमाडौं (हाम्रो खेलकुद) – नेपालका स्पिनर ललित नारायण राजवंशी र युवा हिटर लोकेश बमले टोलीमा पूनरागमन गरेका छन् । लोकेशले २०२२ मार्चमा टियु क्रिकेट मैदानमा पपुवा न्युगिनीसँगको सिरिजपछि टोलीमा पूनरागमन गरेका हुन् ।
नेपालले बुधबार देखी सुरु हुने हङकङ र युएईसँग खेल्ने त्रिकोणात्मक सिरिजको लागि १८ सदस्य टोली घोषणा गर्दा यी दुई खेलाडी टोलीमा फर्किका हुन् ।
उनी हिटर हुन् । नेपालले आइसिसी विश्वकप टि२० छनोटमा युएईविरुद्ध अल अमरेतमा २०२२ फेब्रुअरी सिरिजमा डेब्यू गरेका थिए । उनलाई नेपालले फिनिसरको रुपमा खेलाएको थियो । उनले ८ टि२० आई खेलमा ६६ रन बनाएका छन् । जसमा उत्कृष्ट प्रदर्शन ३३ थियो ।
नेपाल एपिएफबाट घरेलु क्रिकेट खेल्ने उनी पछिल्लो समय भारतमा अभ्यास गर्दै आएका थिए । ललित अघिल्लो महिना चीनमा सम्पन्न १९ औं एसियाली खेलकुदमा टोलीबाट बाहिरिएका थिए ।
टियु क्रिकेट मैदानमा अभ्यास खेलको क्रममा उनको ब्यूटीबोनमा चोट लागेको थियो । ललित नेपालका प्रमुख स्पिनर हुन् । उनले पछिल्लो समय लगातार उच्च प्रदर्शन गर्दै आएका छन् ।
सन्दीप लामिछानेले ब्यक्तिगत कारण देखाउँदै टोलीबाट नाम फिर्ता भएका थिए । सागर ढकाल, सूर्य तामाङ, मौसम ढकाल स्पिनरको रुपमा छन् । नेपालको स्पिन आक्रामणमा सन्दीप नहुँदा मौसमले साथ पाउन सक्छन् । दीपेन्द्रको भूमिका स्पिनरमा थप महत्वपूर्ण हुनेछ । अफ स्पिनर सूर्य तामाङले गतवर्ष नेपाल टि२० लिगमा उच्च प्रदर्शन गरेका थिए ।
सिरिज हुँदा नेपालले आफ्ना सबै खेलाडीलाई प्रयोग गरेर हेर्न सक्छ । विश्वकप छनोटमा आफ्नो उत्कृष्ट १५ खोज्न यस सिरिजमा प्रयास गर्नेछ । जसमा स्पिनरको प्रदर्शन निकै महत्वपूर्ण हुनेछ ।
नेपालको टोली :
रोहित पौडेल (कप्तान), आसिफ शेख, कुशल भुर्तेल, कुशल मल्ल, दीपेन्द्रसिंह ऐरी, सन्दीप जोरा, गुलशन झा, सोमपाल कामी, करण केसी, प्रतिश जि.सी, ललितनारायण राजवंशी, अभिनाश बोहरा, विवेक यादव, सागर ढकाल, विनोद भण्डारी, लोकेश बम, सूर्य तामाङ र श्याम ढकाल ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]