default_image

8 months ago

October 17, 2023

दक्षिण अफ्रिका विश्वकपमा नेदरल्यान्ड्ससँग स्तब्ध

2950 views

0 Bookmark

एजेन्सी – नेदरल्यान्ड्सले आईसिसी विश्वकप २०२३ को विश्वकपमा दक्षिण अफ्रिकालाई ३८ रनले हराएको छ । नेदरल्यान्ड्सले गतवर्ष टि२० विश्वकपमा दक्षिण अफ्रिकालाई हराएको थियो । त्यसैको कारण दक्षिण अफ्रिका विश्वकपको सेमिफाइनलमा पुग्न सकेको थिएन ।

जितको लागि २ सय ४६ रनको विजयी लक्ष्य पछ्याएको दक्षिण अफ्रिका ४२.५ ओभरमा २ सय ७ रनमा अल आउट भयो । दक्षिण अफ्रिकाका लागि डेविड मिलरले ५२ बलमा ४ चौका र १ छक्कासहित ४३ रन बनाए । त्यो जितका लागि पर्याप्त थिएन ।

यसै विश्वकपमा दक्षिण अफ्रिकाले श्रीलंकाविरुद्ध ४ सय २८ रन बनाएको थियो । तर नेदरल्यान्ड्ससँग स्तब्ध हुन पुगेको हो ।
मिलरले ब्यक्तिगत २३ रनमा जीवनदान पाएका थिए । स्पिनर भान डर मर्वेको बलमा ठूलो सट खेलेपनि लङअनमा बास डि लिडले क्याच छाडेपछि मिलरले जीवनदान पाएका थिए । तर त्यो जीवनदानको फाइदा उठाउन सकेका थिएनन् ।

ओपनर क्विन्टन डि कक र टेम्बा बभुमाले ८ ओभरमा ३६ रनको साझेदारी गरेका थिए । डि कक स्पिनर कोलिन एकरम्यानरको बलमा स्कट एडवाड्सबाट २० रनमा क्याच आउट भए । त्यसपछि दक्षिण अm्रिकाले लगातार विकेट गुमायो ।

लोगन भान बिकले बभुमालाई १६ रनमा बोल्ड आउट गरे । स्पिनर रोलफ भान डर मर्वेले रास्सी भान डर डुसेनलाई ४ रनमा क्याच आउट गराए । तीव्र गतिका बलर पल भान मार्केनले एडेन माक्ररम १ रनमा बोल्ड आउट भएपछि संकटमा परेको थियो । एक समय ४४–४ को दयनीय अवस्थामा पुगेको दक्षिण अफ्रिकालाई मिलर र हेनरिक क्लासेन अन्तिम आशाको रुपमा थिए ।

लोगन भान बिकको बलमा क्लासेन २८ रनमा विक्रमजितसिंह बाट क्याच भएपछि जितको सम्भावना कठिन बनेको थियो । क्लासेनले २८ बलमा ४ चौका प्रहार गरे । मार्को यानसन ९ र जेराल्ड कोट्जी २२ रनमा आउट भए । केशव महाराज ३७ बलमा ५ चौका र १ छक्कासहित ४० रनमा आउट भए ।

नेदरल्यान्ड्सका स्पिनर रोलेफ भान मर्वेले ९ ओभरमा ३४ रन खर्चेर २ विकेट लिए । पल भान मार्केनले ९ ओभरमा ४० रन खर्चेर २ विकेट लिए । बास डि लिडले ८ ओभरमा ३६ रन खर्चेर २ विकेट लिए । कोलिन एकरम्यानले ३ ओभरमा १६ रन खर्चेर १ विकेट लिए । लोगन भान बिकले ८.५ ओभरमा ६० रन खर्चेर ३ विकेट लिए ।

त्यसअघि वर्षाका कारण ४३ ओभरमा घटाइएको खेलमा नेदरल्यान्ड्सले ८ विकेट गुमाउँदै २ सय ४५ रन बनाएको थियो ।नेदरल्यान्ड्सको जितमा कप्तान स्कट एडवार्ड्सले ६९ बलमा १० चौका र १ छक्कासहित ७८ रनको अविजित कप्तानी इनिङ खेलेका थिए । आर्यन दत्तले ९ बलमा ३ छक्कासहित २३ रन बनाउँदै नआउट रहे ।

ओपनर विक्रमजित सिंह १६ बल खेल्दै मात्र २ रनमा आउट भए । अर्का ओपनर म्याक्स ओडाउडले २५ बलमा १८ रन जोड्ने क्रममा ४ चौका प्रहार गरे । कोलिन एकरम्यानले २५ बलमा एक चौका सहित १३ रन बनाए ।

बास डे लेडाले २ रन मात्र बनाउन सके। साइब्रान्ड अंगलब्रेक्तले १९ रन बनाउँदा लोगन भ्यान बिकले १० रन बनाए । रोलाफ भ्यान डर मर्वाले १९ बलमा ३ चौका र १ छक्कासहित तल्लोक्रममा महत्वपूर्ण २९ रन जोडेका थिए ।

दक्षिण अफ्रिकाका लागि लुंगी एनगिडी, मार्को यानसन र कागिसो रबाडाले समान २ विकेट लिए । यस्तै जेरार्ड कोटजी र केशव माहाराजले भने समान १ विकेट लिए ।

दक्षिण अफ्रिकाले श्रीलंकालाई १ सय २ र अष्टेलियालाई १ सय ३४ ले हराएको थियो । दक्षिण अफ्रिकाले अव शनिबार इंग्ल्यान्डसँग खेल्नेछ । नेरल्यान्ड्स पहिलो खेलमा पाकिस्तानसँग ८१ र न्युजिल्यान्डसँग ९९ रनले पराजित भएको थियो । अव शनिबार श्रीलंकासँग खेल्नेछ ।

June 19, 2024

दीपेन्द्र आइसिसी वरियतामा थप माथि उक्लिए

काठमाडौं (हाम्रो खेलकुद)- नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले विश्व वरियतामा अहिलेसम्मकै उच्च वरियतामा उक्लिएका छन् । अन्तराष्ट्रिय क्रिकेट परिषद (आइसीसी)ले हालै जारी गरेको टि‌ ट्वान्टी आईको अलराउन्डरतर्फको वरियतामा दीपेन्द्र छैटौं स्थानमा रहेका छन्। यस अघि उनी नवौं स्थानमा थिए। टि‌ ट्वान्टी आईको अलराउन्डरको शीर्ष स्थानमा अस्ट्रेलियाका मार्कस स्टोईनेस उक्लिएका छन् । श्रीलंकाका वानिन्दु […]

June 18, 2024

‘टिम हार्दा कीर्तिमान व्यर्थ लाग्यो’ – सन्दीप

सेन्ट भिन्सेन्ट (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेले आइसीसी टि२० विश्वकप अन्तर्गत आइतबार सम्पन्न खेलमा बंगलादेशविरुद्ध आफ्नो टि२०आई करिअरको १ सयौं विकेट लिए । सन्दीपले बंगलादेशविरुद्ध २ विकेट लिँदै करिअरमा १ सय विकेट पूरा गरे । उनले ५४ खेलमा यो उपलब्धि पूरा गरे । उनी ५३ खेलमा १ सय विकेट लिएका […]

June 18, 2024

फर्गुसनको अविश्वसनीय बलिङमा न्युजिल्यान्ड विजयी

एजेन्सी – तीव्र गतिका बलर लोकी फर्गुसनको सानदार बलिङ प्रदर्शनमा न्युजिल्यान्डले आइसीसी टि२० विश्वकप अन्तर्गत समूहको अन्तिम खेलमा पपुवा न्यु गिनीलाई पराजित गरेको छ । टस जितेर पहिलो फिल्ड गर्ने निर्णय लिएको न्युजिल्यान्डले पिएनजीलाई १९.४ ओभरमा ७८ रनमा अलआउट गर्यो । न्युजिल्यान्डका लागि फर्गुसनले ४ ओभरमा कुनै रन नखर्ची ३ विकेट लिएका थिए । उनी […]

Success

Thank you for your time.