काठमाडौं (हाम्रो खेलकुद)– नेपालका तीव्र गतिका बलर करण केसीले उत्कृष्ट बलिङ गर्दा त्रिकोणात्मक टि२० आई सिरिजमा हङकङ संकटमा परेको छ ।

माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको हङकङले पहिलो बलमै कप्तानलाई गुमाएको थियो । त्यसपछि लगातार विकेट गुमाउँदा हङकङ संकटमा परेको हो । ५ ओभरमा हङकङले १५ रन जोडेर ४ विकेट गुमाएको छ ।

इनिङको पहिलो बलमै करणको इनस्वींग बलमा कप्तान निजाकत बोल्ड भएका थिए । उनले उक्त बलको चाल नै पाउन सकेनन् ।

तेस्रो ओभरको तेस्रो बलमा अंशुमन रथ करणकै बलमा कट बिहाईन्ड भए । चौथो ओभरको अन्तिम बलमा सोमपाल कामीले २ रन जोडेका मार्टिन कोट्जीलाई बोल्ड गरे ।

पाँचौ ओभरमा बाबर हायातले ठूलो सट खेल्दा कुशल भुर्तेलको हातबाट क्याच भए । करणको बलमा मिड अफमा कुशलले डाइभ दिँदै उत्कृष्ट क्याच गरे ।

नेपालले आजको खेलमा कुनैपनि खेलाडी परिवर्तन गरेको छैन । नेपाल लगातार दोस्रो जितको सोचमा हुनेछ । नेपालले पहिलो खेलमा युएईलाई ७ विकेटले हराएको थियो ।

नेपालको प्लेइङ-११:

कुशल भुर्तेल, आसिफ शेख ९विकेटकिपर०, कुशल मल्ल, रोहित पौडेल ९कप्तान०, दीपेन्द्रसिंह ऐरी, सन्दीप जोरा, सोमपाल कामी, करण केसी, गुलशन झा, अभिनाश बोहरा, श्याम ढकाल ।